"Yüz min azərbaycanlı İrəvana qayıdacaq və onların təhlükəsizliyi təmin olunacaq" - Erməni politoloq

"Paşinyan özünü xoşbəxt hesab edə bilər, çünki o, geosiyasi qütblərin verdiyi vədlərin əsas hissəsini həyata keçirib".

Bu fikirləri erməni politoloq Alen Qevondyan deyib.

Daha sonra o, fikrini belə davam etdirib:

"Bizim kimi ölkələrdə suverenlikdən danışmaq gülünc səslənir. Əgər sizin sərhədləriniz başqa dövlətin sərhəd bölgüsü ilə qorunursa, dünya ölkələri ilə xarici ticarətiniz nəzərə alınmırsa suverenlikdən söhbət gedə bilməz", – deyə Alen Qevondyan bildirib.

O deyib ki, artıq Paşinyan özünü xoşbəxt hesab edə bilər. Çünki o, 2018-ci ildən üzərinə götürdüyü tapşırıqları və öhdəlikləri yerinə yetirib. Ən azı, geosiyasi qütblərə verdiyi vədlərin əsas hissəsini həyata keçirib və bunun yekunu sülh müqaviləsinin imzalanması olacaq. Ermənistanın baş nazirinin Azərbaycanla imzalayacağı istənilən sülh müqaviləsi Ermənistanın dövlətçiliyinə qəbir daşı qoyacaq sənədə çevriləcək", – deyə erməni politoloq əlavə edib.

Alen Qevondyanın fikrincə, bu sənəd yüz minlərlə azərbaycanlıya təkcə İrəvana deyil, həm də Lori, Vedi, Tavuş və digər bölgələrə qayıtmaq imkanı verəcək. Onların təhlükəsizliyini Türkdilli Dövlətlər Təşkilatı təmin edəcək. Həmçinin Türkiyə ordusu Ermənistana daxil olmaq üçün qanuni əsasa sahib olacaq".

Politoloqun fikrincə, bundan əvvəl Rusiyanın təsirini neytrallaşdırmağa çalışacaqlar.

"Paşinyan hökumətin iclasında Rusiyanın bizim üçün təhlükə olduğunu desə, təəccüblənməyin. Ermənistanın ərazisi çox kiçikdir, ona görə də hərbi əməliyyatlar çərçivəsində ölkənin hansı təsir zonasında qalacağı müəyyən edilib. Dünyanın bölünməsi var: ciddi oyun qaydaları tətbiq olunacaq, əgər suverenliyinizi təmin edə bilmirsinizsə, o zaman özünüzü regionun ən nüfuzlu güc qütbü ilə "müttəfiqlik" münasibətlərində tapmalısınız", – deyə Alen Qevondyan fikrini tamamlayıb.(konkret.az)

Telegramda izləyin