"Bu gün beynəlxalq təşkilatlar Ermənistanın Azərbaycana qarşı davam etdirdiyi mina terroruna biganə yanaşmaqdadır" - DEPUTAT

Xəbər verdiyimiz kimi Tərtər rayonunun azad olunmuş ərazisində yerləşən Azərbaycan Ordusunun bölmələrindən birinin hərbi qulluqçusu, əsgər Niftalıyev Novruz Eldəniz oğlu aprelin 2-də minaya düşərək həlak olub.

Bunu Sonxeber.az-a danışan deputat Cavanşir Paşazadə bildirib ki, 44 günlük Vətən müharibəsində əldə etdiyimiz möhtəşəm zəfərdən iki ildən çox vaxt keçsə də Ermənistanın Azərbaycana qarşı törətdiyi mina terroru hələ də davam etməkdədir:

"Bunun nəticəsidir ki, hərbiçilərimiz vətəndaşlarımız bəşəriyyət əleyhinə olan bu hərbi cinayətin qurbanına çevrilirlər. Ermənistan Respublikası, 10 noyabr 2020-ci il tarixli Üçtərəfli bəyanatın 4-cü bəndinə zidd olaraq, Azərbaycan ərazilərində təxribatçı fəaliyyətini hələ də davam etdirməkdədir. Azərbaycan ərazilərində külli miqdarda aşkarlanan piyada əleyhinə minalar bu təxribatçı fəaliyyətin əyani sübutudur. Aparılan müşahidələr onu göstərir ki, bu kimi hallar yalnız keçmiş təmas xətti boyunca deyil, ölkənin işğaldan azad olunan digər ərazilərində də baş verir. Məqsədləri də məlumdur. Bu gün də Ermənistan Azərbaycan tərəfinə mümkün qədər ziyan vurmağa çalışır. Minaların kütləvi şəkildə basdırılması da həmin əməllərdən biridir. Ermənistan sovet ordusundan qalan minaları 30 ilə yaxın işğal altında saxladığı Azərbaycan torpaqlarında basdırıb və bütün ərazini çirkləndirib. Məqsədləri isə soydaşlarımızın öz doğma torpaqlarına qayıtmasına maneə olmaqdır".

Deputat vurğulayıb ki, müharibə bitdikdən sonra da Ermənistan öz terror əməllərini davam etdirir

"Bu, 10 noyabr 2020-ci ildə imzalanmış üçtərəfli bəyanata, eyni zamanda iki ölkə başçısının iştirakı ilə qəbul edilmiş digər razılaşmalara ziddir. Minaların basdırılması və bundan siyasi şantaj predmeti kimi istifadə edilməsi terrorizmin göstəricisidir. Ermənistan 30 il işğal altında saxladığı Azərbaycan torpaqlarında əsl vandalizm törədib. 44 günlük Vətən müharibəsində torpaqlarımız işğaldan azad olunsa da, ermənilərin işğal dövründə törətdikləri vəhşiliklər və basdırdıqları minalar vətəndaşlarımızın evlərinə tez qayıtmasına çox böyük əngəldir. Ermənistan ölkəmizə minalanmış ərazilərin qeyri-dəqiq xəritəsini verib. Verilmiş xəritələrin dəqiqliyi isə 25 faiz belə deyil. Bu da bir daha ermənilərin necə saxtakar və mundar bir millət olduğunun göstəricisidir.
Vətən müharibəsindən sonra baş verən hadisələr və mina terroru bütövlükdə erməni vəhşiliyinin yeni forması olduğunu bir daha sübut edir. Ermənistan hər zaman olduğu kimi bu gün də beynəlxalq hüquqa və humanitar dəyərlərə, insan hüquqlarına etinasız yanaşmaqdadır. Təəssüf ki, beynəlxalq təşkilatlar və insan haqlarının müdafiəsi ilə məşğul olan qurumlar Ermənistanın Azərbaycana qarşı davam etdirdiyi mina terroruna biganə yanaşmaqdadır. Ermənistana qarşı təzyiqlər artırılmalıdır. Müharibənin bitməsindən iki ildən çox vaxt keçməsinə baxmayaraq, hələ insanlarımız ermənilərin mina terrorunun qurbanı olmaqdadır. Hərbiçilərimizlə yanaşı dinc sakinlərimiz də ermənilər tərəfindən basdırılan minaların qurbanı olur. Bu da bir daha sübut edir ki, döyüş meydanında biabırçı şəkildə məğlub olan Ermənistan dinc sakinlərə qarşı müharibəni davam etdirir".

Aysel Yusifqızı

Telegramda izləyin