"Vətən müharibəsində əldə etdiyimiz möhtəşəm Zəfərin təməli 2016-cı ilin Aprel döyüşlərində qoyuldu" - DEPUTAT

"Aprel döyüşlərində əldə etdiyimiz naliyyətlər bizi böyük zəfərə aparan yoldur".

Bunu Sonxeber.az-a danışan deputat Cəbi Quliyev bildirib.

Deputat qeyd edib ki, 2016-cı ilin Aprel döyüşləri 30 illik Qarabağ müharibəsinin ən parlaq səhifələrindən biri kimi Zəfər tariximizin bir parçasıdır

"Aprel döyüşlərində Cəbrayıl rayonunun Cocuq Mərcanlı qəsəbəsi yaxınlığındakı Lələtəpə yüksəkliyinin ələ keçirilməsi xüsusi strateji əhəmiyyətə malik idi. Çünki Lələtəpə yüksəkliyinin alınması ilə ordumuzun daha geniş əraziləri nəzarət altına almaq imkanı yarandı. Aprelin 1-dən 2-nə keçən gecədən başlayan Aprel döyüşləri Dağlıq Qarabağda 1994-cü ildə atəşkəs haqqında saziş imzalandıqdan bəri ən şiddətli döyüşlər idi. Döyüşlər Azərbaycan Silahlı Qüvvələrinin qələbəsi ilə nəticələnmiş, Tərtər rayonunun Talış kəndi ətrafındakı yüksəkliklər, Cəbrayıl rayonunun Lələ təpə yüksəkliyi və Cocuq Mərcanlı, Goranboy rayonunun Gülüstan kəndi, Tərtər rayonunun Qazaxlar kəndi və Tərtər rayonunun Suqovuşan kəndi istiqamətində yollar düşməndən azad olundu.

2016-cı ilin aprelin 5-də hər iki tərəfin razılığı və beynəlxalq qurumların müşahidəsi ilə yenidən atəşkəs müqaviləsi imzalandı. Hər zaman olduğu kimi yenə də Ermənistan tərəfindən dəstəklənən seperatçı qüvvələr atəşkəs imzalanmazdan bir neçə saat sonra yenidən təxribata əl atdı. Aprel döyüşllərində Tərtər rayonunun Talış kəndi ətrafındakı yüksəkliklər, Cəbrayıl rayonunun Lələ təpə yüksəkliyi və Cocuq Mərcanlı, Goranboy rayonunun Gülüstan kəndi və Tərtər rayonunun Madaqiz kəndi istiqamətində yollar düşməndən azad olunub. Azərbaycan prezidenti İlham Əliyev iyulun 10-da Nazirlər Kabinetinin 2016-cı ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında qeyd edib ki, Aprel döyüşləri zamanı 2 min hektar ərazi işğaldan azad edilib".

Deputat vurğulayıb ki, Aprel döyüşləri gənclərin hərbi vətənpərvərlik ruhunu daha da yüksəltdi:

"Dördgünlük döyüşlərdə qazanılan qələbə xalqımızın orduya olan inamını daha da artırdı. Deyərdim ki, Aprel döyüşlərində əldə etdiyimiz qələbə 44 günlük Vətən müharibəsindəki möhtəşəm zəfərimizin təməl daşı oldu. 44 gün davam edən Vətən müharibəsində Ali Baş Komandan İlham Əliyevin rəhbərliyi ilə Müzəffər Azərbaycan Ordusu erməni terrorçularını biabırçı məğlubiyyətə uğradaraq ərazi bütüvlüyümüzü bərpa etdi. 2020-ci il qələbəsinin əsası məhz 2016-cı ilin Aprel döyüşlərində qoyuldu. Aprel döyüşləri münaqişə bölgəsindəki status-kvonun əbədi olmayacağını sübuta yetirdi. 4 gün davam edən edən Aprel döyüşləri Azərbaycan Ordusunun yüksək döyüş qabiliyyətini nümayiş etdirdi. Ali Baş Komandan İlham Əliyevin rəhbərliyi ilə 44 günlük Vətən müharibəsində Müzəffər Azərbaycan Ordusunun əldə etdiyi möhtəşəm zəfər bunu bir daha sübut etdi",

Aysel Yusifqızı

Telegramda izləyin