92 yaşlı media maqnatı qəfil nişanını qaytardı

Avstraliya əsilli amerikalı media maqnatı Rupert Mördok beşinci həyat yoldaşı olacaq Enn Lesli Smitlə nişanını pozub.

BiG.AZ xəbər verir iki, bu barədə "Vanity Fair" məlumat yayıb.

92 yaşlı iş adamı martın 20-də 66 yaşlı Enn Lesli Smitə cəmi iki həftə əvvəl evlilik təklifi etdiyini açıqlayıb. Onların 2023-cü ilin yayına planlaşdırılan toyu ləğv edilib.

Mördok nişanı pozmasının səbəblərini şərh etməyib. Ona yaxın mənbələr səbəbin gəlinin dini baxışları olduğunu iddia edir.

Enn Lesli Smit keçmiş diş həkimi və 2008-ci ildə vəfat edən məşhur Amerika kantri müğənnisi və televiziya xadimi Çester Smithin dul arvadıdır. O, Mördokla 2022-ci ildə Los-Ancelesdə 200 digər qonaqla onun üzüm bağını ziyarət edərkən tanış olub. Nişan Müqəddəs Patrik günündə baş tutub, martın 14-də media maqnatı sevgilisinə brilyant üzük hədiyyə edib.

Qeyd edək ki, Rupert Mördok dünyanın ən böyük media maqnatlarından biridir. O, dünya üzrə yüzlərlə media orqanının daxil olduğu "News Corp Holdinq"in sahibidir.

Mördokun şirkətinə "The Wall Street Journal" və "New York Post"un Amerika nəşrləri, Britaniyanın "The Sun" və "The Times", "Fox News" və "Sky News Australia" telekanalları daxildir.

İş adamı 11 mart 1931-ci il tarixində anadan olub və ilk dəfə 1956-cı ildə evlənib. Ümumilikdə isə onun dörd həyat yoldaşı olub. Sonuncusu olan 66 yaşlı keçmiş top-model Kerri Holl ilə 2022-ci ilin iyununda boşanıb.

Telegramda izləyin