"Türkiyədə yaşayan azərbaycanlı uşaqların problemi Azərbaycan dilində məktəblərin olmamasıdır" -Şərqiyyə Məmmədova

"Türkiyədə yaşayan azərbaycanlı uşaqların ən böyük problemi orada Azərbaycan dilində məktəbin olmamasıdır. Onlar türk məktəblərinə gedəndə geri qalırlar. Çünki ədəbiyyatımız, tariximiz fərqlidir. Buna görə də Türkiyədə Azərbaycan dilində məktəb açmağa qərar verdim".

Sonxeber.az xəbər verir ki, bu sözləri Türkiyədə fəaliyyət göstərən Hüseyn Cavid adına məktəbin direktoru, filologiya üzrə fəlsəfə doktoru Şərqiyyə Məmmədova "Xaricdə yaşayıb təhsil almaq imkanından məhrum olan azərbaycanlı məktəblilərin təhsilə cəlb olunması" mövzusunda keçirilən mətbuat konfransında deyib.

Konfransın əvvəlində Şərqiyyə Məmmədova və məktəbi haqqında videoçarx izlənilib.
Direktor bildirib ki, bu yola başlayarkən çox çətinlik çəkib, lakin məqsədinə nail olub.

Şəbnəm Lətifi

Telegramda izləyin