Azərbaycan İran şəbəkəsinə qarşı əməliyyatları dayandırmasa, bu PLAN işə düşəcək - ŞOK XƏBƏRDARLIQ

"Bayramovla Abdullahianın telefon danışığında kimin zəng etdiyi açıqlanmasa da, təşəbbüsün İran tərəfindən gəldiyi ehtimalı daha çoxdur: Tehran Bakıya qarşı təzyiq siyasətini izləsə də, adekvat addımlar nəticə əldə edə bilmədiyini görür və loyal gediş edir".

Bu sözləri siyasi şərhçi Asif Nərimanlı qeyd edib.

Siyasi şərhçinin fikrincə, burada İranın iki mümkün məqsədi ola bilər:

"Birincisi, Bakıya təzyiq etmədiyini, əksinə, qonşuluq prinsipinə sadiq olduğunu, lakin "Azərbaycanın İrana qarşı cəbhə aldığını" nümayiş etdirmək. İkincisi, Azərbaycanda İran şəbəkəsinə qarşı aparılan əməliyyatların dayanmasına nail olmaq. Əsas diqqətçəkən məqamlardan biri danışıqların iki raundda aparılmasıdır. İran XİN-in məlumatına görə, xarici işlər nazirləri aprelin 7 və 8-də telefonda danışıb. Aprelin 7-də İbrahim Rəisi Ərdoğanla telefonla danışmışdı, görünür, Ankara Tehrana Bakı ilə bağlı "qırmızı xət"lərini izah edib. Bununla yanaşı, "müsəlmanların hamisi" obrazını yaratmaq üçün Fələstin məsələsindən istifadə edən İran İƏT-in təcili toplantısını keçirmək istəyir və mövcud situasiyada bu təşəbbüsünün bütün üzv ölkələr tərəfindən dəstəklənməsində maraqlıdır. Bu telefon danışığı Azərbaycanın adekvat addımlarının nəticə verdiyini göstərir. Tərəflər ikitərəfləri layihələrin icrası və təmasların davam etdirilməsi ilə bağlı razılıq əldə edib. Ceyhun Bayramov İsraildə səfirlik açmağımıza qarşı çıxan İrana Azərbaycanın müstəqil xarici siyasətinə hörmətlə yanaşılmasının vacibliyini deyib".

Asif Nərimanlı vurğulayıb ki, əsas məsələ hələ də açıqdır:

"İran mövcud siyasətindən əl çəkəcəkmi? Tehranın regional siyasəti bu gözləntini zəiflədir. Bundan əvvəllər də tərəflər bir neçə dəfə münasibətlərin normallaşması ilə bağlı razılıq əldə etsə də, İran siyasətini terror mərhələsinə qədər aparıb çıxardı. Tehranda mövcud rejimin, xüsusilə SEPAH-ın təsirinin artması fonunda Azərbaycana qarşı izlədikləri siyasi xətti davam etdirəcəyi gözləntisi daha çoxdur. O da istisna deyil ki, indi Azərbaycanda öz şəbəkəsinin neytrallaşdırılması prosesinin dayandırılmasını istəyən İran sonrakı mərhələdə "iğtişaşların yaradılması" planlarını da işə sala bilər".

Musavat.com

Telegramda izləyin