"Hər kəs qəbul etməlidir ki, Heydər Əliyev yolu müstəqilliyin, suverenliyin qarantıdır" - Bəhruz Məhərrəmov

İstiqamət: azərbaycançılıq ideyasının təbliği- "Heydər Əliyev ili"
"Ulu Öndər Heydər Əliyev müasir Azərbaycan dövlətçiliyinin banisi kimi adını tariximizə siyasətüstü şəxsiyyət kimi qızıl hərflərlə yazdırıb. Müstəqil Azərbaycan tarixində istiqlala gedən yoldan müstəqilliyin əldə olunmasına, suverenliyin qorunmasına qədər bütün proseslərin təməlində məhz Heydər Əliyev böyüklüyü dayanır. Bu mənada onun şəxsiyyətinə istinad və dahi liderin irsinin yaşadılması, bu çərçivədə 2023-cü ilin "Heydər Əliyev İli" kimi qeyd olunması ümummilli məsələdir. Çünki milli ideologiyamızın, azərbaycançılıq məfkurəsinin kökündə məhz Heydər Əliyev şəxsiyyəti dayanır. Günümüzdə də qüdrətli Azərbaycanın gücünün və imkanlarının qarantı istisnasız olaraq məhz dahi liderin siyasi kursudur".

Bu sözləri Milli Məclisin deputatı Bəhruz Məhərrəmov Sonxeber.az-a deyib.

Deputat qeyd edib ki, Azərbaycan gəncliyinə özlərini müstəqilliyin banisi, Sovetlər qurluşunu çökdürən super qəhraman kimi sırıyan bu qüvvələr əksinə, o zaman Azərbaycan xalqının suverenliyi yolunda ən böyük maneəyə çevrilmişdilər:

"Bu gün təəssüflər olsun ki, sosial media anarxiyası və nəzarətsizliyi şəraitində bəziləri hətta özlərini müstəqilliyə gedən yolun qəhramanı kimi sırımağa çalışırlar. Baxmayaraq ki, həmin dövrün proseslərini təhlil edərkən aydın olur ki, məhz bu psevdoqəhrəmanların səbatsızlığı ucbatından müstəqilliyimizi çoxlarından daha gec əldə etmişik. Müstəqillik üçün bütün zəmini 1969-cu ildən 1987-ci ilə qədər Heydər Əliyev formalaşdırı. Bu gün Azərbaycan gəncliyinə özlərini müstəqilliyin banisi, Sovetlər qurluşunu çökdürən super qəhraman kimi sırıyan bu qüvvələr əksinə, o zaman Azərbaycan xalqının suverenliyi yolunda ən böyük maneəyə çevrilmişdilər. Ümummilli lider böyük uzaqgörənliklə vəziyyətin bu həddə çata biləcəyini duyurdu və təsadüfi deyil ki, 1993-cü il oktyabrın 10-da andiçmə mərasimindəki nitqində bu prosesə çox sərrast formada qiymət verərək bildirmişdi ki, Azərbaycan Respublikasının dövlət müstəqilliyi əldə etməsi dünyada, keçmiş Sovetlər İttifaqında gedən ictimai-siyasi proseslərin məntiqi nəticəsidir. Bu müstəqilliyin əldə olunmasında hər hansı qrupun, hərəkatın, qüvvənin müstəsna xidmətləri olduğunu heç vəchlə qəbul etmək olmaz. Eyni mövqeni Prezident İlham Əliyev də 2021-ci ilin oktyabrında Füzuli ictimaiyyəti ilə görüşdə səsləndirərək saxtakarları ifşa etmişdi".

Bəhruz Məhərrəmov qeyd edib ki, xalqımız - talışı, ləzgisi, tatı, yəhudisi fərq etmədən məhz Heydər Əliyevin azərbaycançılıq məfkurəsi ətrafında birləşərək 44 günlük savaşı Vətən müharibəsinə çevirib şanlı zəfər qazanıb.

"Bildiyiniz kimi biz ötən əsrin 80-ci illərində Heydər Əliyev yolundan 5 illik ayrıldıq və nələr oldu hər kəs şahiddir. İlk növbədə ölkə iqtisadiyyatı gerilədi, daha sonra ermənilər Azərbaycan liderlərinin səbatsızlığını görərək baş qaldırdılar, ardınca isə ərazilərin 20 faizinin işğalı. Təsəvvür edin, bu nadanların Heydər Əliyevə cəmi 5 il arxa çevirməyinin nəticələrini aradan qaldırmaq üçün Azərbaycana 30 il lazım oldu. Heydər Əliyev özünün yaşının, ömrünün müdrik çağında ikinci dəfə xalqın təkidi ilə hakimiyyətə qayıtdıqdan sonra ən azı ilk 5 ilini bu xainlərin dağıtdıqları dövləti, nifaq saldıqları cəmiyyəti reabilitasiya etməyə məcbur oldu. Müstəqilliyin ilk illərində cəmi il yarımlıq hakimiyyətləri dövründə AXC-Müsavat cütlüyü bu qədər səriştəsiz və xəyanətkar davranmasaydılar Heydər Əliyev də qızıldan qiymətli vaxtını, təcrübəsini daha fərqli istiqamətlərə sərf edər və bugünkü güclü qüdrətli durumumuza ən azı 10 il tez nail ola bilərdik.

Ümumiyyətlə, Azərbaycanın müstəqillik yolunda tarixinin ən ağrılı problemi həmin dövrdə Heydər Əliyevin siyasi hakimiyyətdən uzaqlaşdırılması və bu süni boşluğun isə məqsədli şəkildə AXC kimi anarxist və məqsədsiz təsisatla doldurulmasıdır. Bu gün həmin xainlərin yenidən baş qaldırmağa cəhd etdiklərinin şahidi olmaqdayıq. Lakin hər kəs bilsin ki, bir daha kiməsə icazə verilməyəcək ki, Heydər Əliyev yoluna, İlham Əliyev siyasətinə dil uzatsın. Xatırlayırsınızsa, möhtərəm cənab Prezident 31 oktyabr 2003-də özünün ilk andiçmə mərasimində məqsədlərini, hədəflərini açıqlayarkən ölkənin inkişaf strategiyasını uğurla reallaşdırmaq, həyata keçirmək və Azərbaycanı qüdrətli dövlətə çevirmək üçün ən başlıcası, ölkədə Heydər Əliyevin siyasəti davam etdirilməli olduğunu bildirmişdi. Təsadüfi deyil ki, biz məhz cənab İlham Əliyev tərəfindən Heydər Əliyev siyasətinin qüsursuz və uğurlu realizasiyası nəticəsində tarixin ən qüdrətli Azərbaycanın bərqərar olmasının şahidiyik. Məhz Heydər Əliyev yolu bu irsə arxa çevirmək istəyən antimilli ünsürlərin hakimiyyətdə olduğu dövrdə ucuz "millətçilik" siyasəti nəticəsində yol açılan vətəndaş müharibəsi əvəzinə, xalqımız - talışı, ləzgisi, tatı, yəhudisi fərq etmədən məhz Heydər Əliyevin azərbaycançılıq məfkurəsi ətrafında birləşərək 44 günlük savaşı Vətən müharibəsinə çevirib şanlı zəfər qazanıb. Bu mənada hər kəs də birdəfəlik qəbul etməlidir ki, Heydər Əliyev yolu müstəqilliyin, suverenliyin qarantıdır və alternativsiz siyasi xətt kimi bu dövlət durduqca əbədi olaraq davam edəcək" ,- deyə deputat əlavə edib.

Material Azərbaycan Respublikasının

Şəbnəm Lətifi

Telegramda izləyin