İran Taliban administrasiyasını inklüziv hökumət yaratmaq vədinizə əməl etməyə çağırıb

İranın xarici işlər naziri Hüseyn Əmir Abdullahiyan Əfqanıstandakı Taliban administrasiyasının ölkədəki bütün qrupların iştirakı ilə əhatəli hökumət qurmaq vədini yerinə yetirməsini gözlədiklərini bildirib.

Sonxeber.az xəbər verir ki, İran Taliban administrasiyasını inklüziv hökumət yaratmaq vədinizə əməl etməyə çağırıb.

İran, Rusiya, Çin və Pakistan xarici işlər nazirləri Özbəkistanın Səmərqənd şəhərində Əfqanıstanla bağlı dördtərəfli görüş üçün bir araya gəliblər.

İranın xarici işlər naziri Abdullahiyan 4 qonşu ölkə arasında Əfqanıstanla bağlı ortaq regional əməkdaşlıq modelini vacib hesab etdiyini bildirib.

İranlı nazir Əfqanıstan mənşəli narkotik qaçaqmalçılığının da mühüm problem olduğunu və ABŞ-ın işğalı zamanı narkotik probleminin həll olunmadığını, lakin bu ölkədə narkotiklərin becərilməsi və qaçaqmalçılığının çox ciddi templərlə artdığını bildirib.

Əfqanıstanda getdikcə çətinləşən həyat şəraitinin və qadınların təhsil hüquqlarının məhdudlaşdırılmasının onları narahat etdiyini qeyd edən Abdullahiyan ölkəsinin Birləşmiş Millətlər Təşkilatının (BMT) köməyi və təşviqi ilə bu məsələyə dəstək verməyə hazır olduğunu bildirib.

Telegramda izləyin