Müştərilərin kokteyllərinə öz qanını qatdı və...

Yaponiyanın Hokkaydo əyalətinin Sapporo şəhərindəki kafedə bir ofisiantın müəssisədə qonaqlar üçün hazırladığı kokteyllərə öz qanını qatdığı iddiası irəli sürülüb.

Lent.az-ın xarici mediaya istinadən məlumatına görə, "Mondaiji" kafesinin nümayəndələri "Twitter"də bildiriblər ki, ofisiantlardan biri müştərilər üçün hazırladığı kokteyllərə qanını qarışdırmaq vərdişi ucbatından işini itirib. İçkilərdə ən çox meyvələr və ya digər rəngli şərbətlər olur.

"Belə bir hərəkət terrorizmdən fərqlənmir və tamamilə qəbuledilməzdir", - kafenin tvit səhifəsində yazılıb.

Hadisə məlum olduqdan sonra içkilər üçün bütün stəkanların dəyişdirilməsi üçün kafe bir günlük bağlanıb. İşdən çıxarılan ofisiantın adı açıqlanmır. Kafe sosial şəbəkələrdə müştərilərə problemli uşaqlar və qəmgin, lakin ən şirin qızların xidmət göstərdiyi yer kimi özünü reklam edir.

Müəssisənin sahibi bu hadisəyə görə müştərilərdən üzr istəyib. O, çirklənmiş ola biləcək hər hansı spirti atacağına söz verib.

Telegramda izləyin