"Azərbaycanın Laçında sərhəd−nəzarət məntəqəsi qurması ölkəmizin suverenliyinin növbəti təsdiqidir" - DEPUTAT

Xəbər verdiyimiz kimi aprelin 23-ü saat 12:00-da Azərbaycan Respublikası Dövlət Sərhəd Xidmətinin bölmələri tərəfindən ölkəmizin suveren ərazilərində, Ermənistan ilə sərhəddə, Laçın-Xankəndi yolunun başlanğıcında sərhəd-buraxılış məntəqəsi qurulub.

Bununla bağlı Sonxeber.az-a danışan deputat Cavanşir Paşazadə bildirib ki, bu addım 2020-ci il 10 noyabr tarixli üçtərəfli Bəyanata zidd olaraq Ermənistandan Azərbaycan ərazisindəki qeyri-qanuni erməni silahlı dəstələri üçün canlı qüvvə, silah-sursat, mina, eləcə də digər hərbi təyinatlı vasitələrin daşınmasının qarşısının alınması məqsədilə atılıb:

"Təəssüf ki, üçtərəfli Bəyanatın imzalanmasından 2 ildən çox vaxt keçsə də nə Rusiya sülhməramlıları və Ermənistan üzərinə götürdüyü öhdəlikləri icra etmir. Azərbaycan tərəfindən dəfələrlə xəbərdarlıq edilsə də hər iki tərəf təxribatlarını davam etdirdi. Qarabağda Ermənistan tərəfinin təxribatlarının qarşını almaq üçün də Azərbaycan tərəfindən Laçında sərhəd−nəzarət məntəqəsi quruldu. Bilirsiniz ki, Laçında sərhəd−nəzarət məntəqəsi qurulandan sonra ermənilər növbəti vəhşiliyə əl ataraq Azərbaycan-Türkiyə bayraqlarını yandırdılar. Ermənilərin bu vəhşiliyi bir daha Laçında sərhəd−nəzarət məntəqəsi qurulmasının necə doğru bir qərar olduğunu sübut etdi".

Deputat vurğulayıb ki, Azərbaycan hər zaman imzalanan bütün razılaşmaların şərtlərinə əməl edib:

"Təəssüf ki, bunu Ermənistana aid etmək olmur. 30 il ərzində Ermənistan əldə edilən bütün razılaşmaları və atəşkəsi pozaraq müxtəlif təxribatlara əl atıb. Laçında sərhəd−nəzarət məntəqəsi qurulması Qarabağdakı erməni terrorçularının sayının artmasına və silah-sursat, mina, eləcə də digər hərbi təyinatlı vasitələrin daşınmasının qarşısını alacaq. Ən önəmlisi isə Laçında sərhəd−nəzarət məntəqəsi qurulması ölkəmizin suverenliyinin növbəti təsdiqidir. Sərhəd−nəzarət məntəqəsi qurulduqdan sonra sonrakı mərhələdə Qarabağda yaşayan ermənilər Azərbaycan hakimiyyətinin təklifini qəbul edərək reinteqrasiya məsələləri üzrə təmaslara başlamalıdırlar. Bu proses nə qədər tez başlayarsa Qarabağda erməni əhalisinin həyat tərzi bir o qədər yaxşılaşar. Hesab edirəm ki, Rusiya sülhməramlıları bu prosesə maneə olmamalı, bölgədə sabitliyin qorunmasına xidmət etməlidir".

Aysel Yusifqızı

Telegramda izləyin