Paşinyan Polşanın Baş nazirinə təbrik məktubu göndərib

Ermənistanın Baş nazir Nikol Paşinyan Polşa Respublikasının baş naziri Mateuş Moravetskiyə milli bayram münasibətilə təbrik məktubu göndərib.

Sonxeber.az xəbər verir ki, bu barədə erməni mətbuatı məlumat yayıb.

"Polşa Respublikasının milli bayramı – Konstitusiya Günü münasibətilə Sizə və dost Polşa xalqına Ermənistan Respublikası hökuməti və xalqı adından ən səmimi təbriklərimi yetirirəm.

Əminəm ki, iki xalq arasında çoxəsrlik dostluğa əsaslanan qarşılıqlı faydalı və davamlı inkişaf edən əməkdaşlıq həm ikitərəfli, həm də çoxtərəfli səviyyədə, o cümlədən Ermənistan-Avropa İttifaqının hərtərəfli və genişləndirilmiş tərəfdaşlığı çərçivəsində bundan sonra da inkişaf edəcək və genişlənəcəkdir.

Xalqlarımızın mənafeyi və rifahı naminə ölkələrimiz arasında mühüm əməkdaşlıq potensialının reallaşdırılmasını maksimum səviyyəyə çatdırmağa hazır olduğumuzu bir daha təsdiq edirəm" ,- deyə Paşinyan bildirib.

Telegramda izləyin