Ermənistanın müdafiə naziri KTMT Şurasının Belarusdakı iclasından imtina edib

Ermənistanın müdafiə naziri Suren Papikyan Belarusun paytaxtı Minskdə davam edən Kollektiv Təhlükəsizlik Müqaviləsi Təşkilatının (KTMT) Müdafiə Nazirləri Şurasının iclasında iştirak etmir.

Sonxeber.az xəbər verir ki, bu barədə Ermənistan Müdafiə Nazirliyinin mətbuat katibi Aram Torosyan erməni mətbuatına istinadən bildirib.

O, Papikyanın iştirak etməməsinin səbəbini açıqlamayıb.

"Mülki Müqavilə" partiyasından olan deputat Artur Hovhannisyan Papikyanın niyə iştirak etməməsi ilə bağlı məlumatı olmadığını deyib, lakin burada heç bir siyasi mətləb olmadığına əmin olduğunu vurğulayıb.

"Suren Papikyanın bu tədbirdə iştirak etməməsinin Ermənistan-KTMT münasibətləri ilə heç bir əlaqəsi yoxdur. təfərrüatları bilmirəm. Əminəm ki, burada heç bir siyasi alt mətn yoxdur", - deyə millət vəkili bunun səbəbinin bəzi texniki məsələlərlə bağlı ola biləcəyini bildirib.

Rusiyanın müdafiə naziri Sergey Şoyqu müdafiə nazirində çıxış edərək Ermənistanın KTMT-nin birgə təlimlərində iştirakının əhəmiyyətini qeyd edib.

Şəbnəm Lətifi

Telegramda izləyin