"Ermənistan başa düşməlidir ki, yarandığı gündən apardığı siyasət yanlışdır" - DEPUTAT

"Avrasiya İqtisadi Birliyi çərçivəsində Azərbaycan, Rusiya və Ermənistan liderlərinin görüşünü sülhə yönəlik növbəti addım kimi xarakterizə etmək olar".

Bunu Sonxeber.az-a danışan deputat Nəsib Məhəməliyev bildirib.

Deputat qeyd edib ki, görüşdə bir daha tərəflərin mövqelərinə aydınlıq gətirildi:

"İki ölkə arasında münasibətlərin sivil qaydada formalaşması üçün son dərəcə əhəmiyyətli, Laçın rayonu ərazisində sərhəd-nəzarət-buraxılış məntəqəsinin beynəlxalq hüquq normalarına uyğun quraşdırıldığı, heç bir zaman götürülməsi müzakirə predmetinin olmayacağı, Ermənistana açıq şəkildə bildirildi. Paşinyan ciddi-cəhdlə postun götürülməsini Rusiya tərəfinin üzərinə atsa da, cənab prezident İlham Əliyevin dəmir arqumentləri ilə, barışmağa məcbur oldu. Rusiya qarışıq, Avrasiya İqtisadi Birliyinə üzv dövlət başçılarının hər biri, Azərbaycan Prezidentinə şəxsi rəğbəti, dostluq münasibətləri var. Beynəlxalq münasibətlər sistemində oynadığı vacib rol, nüfuzu, gücü hər birisinə məlumdur. Bu baxımdan, təbii ki, Azərbaycanla əməkdaşlığın siyasi, iqtisadi dividentlər gətirəcəyi şübhəsizdir və xalqlarımızın maraqlarına tam cavab verir.

Ermənistan nəhayət başa düşməlidir ki, yarandığı gündən apardığı siyasət yanlışdır. Məhz, həmin siyasət, Ermənistanı dalana dirəyib, bütün regional layihələrdən kənarlaşdırıb. İlk növbədə, qonşulara yönəlik siyasəti kökündən dəyişməlidir. Əks halda, daha da ağır faciələrlə rastlaşa bilər. Zaman Azərbaycanın xeyrinə işləyir".

Aysel Yusifqızı

Telegramda izləyin