"Türkiyə xalqı düzgün seçim edərək ölkənin parçalanmasının qarşısını aldı" - DEPUTAT

"Ərdoğanın qələbəsi Türkiyənin, Azərbaycanın və bütün Türk dünyasının qələbəsidir".

Bunu Sonxeber.az-a danışan deputat Nəsib Məhəməliyev bildirib.

Deputat qeyd edib ki, Rəcəb Tayyib Ərdoğan böyü səs çoxluğu ilə qalib gəldi:

"Bu təkcə Rəcəb Tayyib Ərdoğanın deyil, demokratiyanın qələbəsidir. Türk xalqı tarixinin ən məsuliyyətli, şərəfli imtahanını verdi. Dünyaya demokratiya dərsi keçdi. Türkiyə xalqı düzgün seçim edərək ölkənin parçalanmasının qarşısını aldı. Bu möhtəşəm zəfər münasibəti ilə bütün Türkiyə xalqını təbrik edirəm. Bütün Türk dünyasının gözü aydın olsun. İnanıram ki, Rəcəb Tayyib Ərdoğanla Türkiyə yeni qələbələrə doğru əmin addımlarla irələyəcək".

Deputat vurğulayıb ki, Rəcəb Tayyib Ərdoğan 20 ildən çoxdur ki, dövlətinin inkişafı və uğurlu gələcəyi üçün çalışan liderdir:

"20 il ərzində Türkiyədə başda hərbi olmaqla, bütün sahələrin inkişafında böyük işlər görülüb. Türkiyə xalqı öz liderini sevir və etibar edir. Biz bunu dünən bir daha gördük. Əminliklə söyləyə bilərik ki, Rəcəb Tayyib Ərdoğanla Türkiyəni daha böyük qələbələr və uğurlar gözləyir".

Aysel Yusifqızı

Telegramda izləyin