Rasim Balayev: "Elxan Qasımovu oğlu "yıxdı"

"Elxan oğlundan sonra ayağa qalxa bilmədi. Hər gün qəbiristanlığa gedirdi. Yüksək səviyyədə əməliyyat olundu. Biz onu sağalacağına ümid edirdik. Amma o elə oğlunun adını çəkib Samir deyirdi. Axırda getdi Samirin yanına..."

Bu sözləri BAKU.WS-ə açıqlamasında hazırda Elxan Qasımovun vida mərasimində iştirak edən Xalq artisti Rasim Balayev deyib.

Aktyor bu gün həm də yaxın dostunu itirdiyini bildirib. Rasim Balayev Elxan Qasımovun Azətbaycan incəsənəti və mədəniyyəti üçün önəmli fiqur olduğunu da vurğulayıb.

Məlumat üçü bildirək ki, bu ilin mayında 78 yaşlı Elxan Qasımovun səhhətində problemlər yaranıb. O bir müddət əvvəl qarın aortası anevrizması diaqnozu ilə reanimasiyaya yerləşdirilmişdi. Əməkdar artist bədii, sənədli filmlərin, "Mozalan" süjetlərinin müəllifidir.
Elxan Qasımov bu gün Xırdalan qəbirstanlığında dəfn olunacaq.

Telegramda izləyin