Metro relslərinə yıxılan işçi vəfat edib

Meksikanın paytaxtı Mexiko şəhərində Okeaniya metro stansiyasında gedərkən iki işçi müvazinətini itirərək relslərə yıxılıb. Onlardan birini elektrik cərəyanı vuraraq ölüb.

Sonxeber.az xəbər verir ki, işçilərdən biri relslərin yanındakı elektrik xəttinə toxunaraq cərəyana ilişdiyi halda, digər işçi təsadüfən cərəyana düşməyib.

Qısa müddətdə hadisə yerinə gələn həkim briqadaları cərəyanda qalan işçinin həyati əlamətlərinin olmadığını və elektrik cərəyanı vurması nəticəsində dünyasını dəyişdiyini müəyyən ediblər.

Mexiko Metropoliteninin rəsmiləri hadisə ilə bağlı açıqlama verərək həyatını itirən stansiya rəisinin vəzifəsi səbəbilə relslərdə olduğunu, lakin təhlükəsizlik tədbiri olaraq həmin vaxt relslərdəki elektrik cərəyanının kəsilməsi lazım olduğunu bildirib.

Mexiko Şəhər Baş Prokurorluğu hadisə ilə bağlı araşdırmalara başlayıb. Hadisə anı stansiyadakı təhlükəsizlik kameraları və sərnişinlər tərəfindən anbaan lentə alınıb.

Telegramda izləyin