"Bu gün vətəndaşlarımız mənəvi və maddi cəhətdən öz dövlətinə güvənir" - DEPUTAT

"Bu gün dövlətimizin əsas məqsədi vətəndaşlarımızın rahat və firavan yaşamasını təmin etməkdir".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, bilirsiniz ki, son bir neçə həftədir ki, Milli Məclisdə 2023-cü ilin dövlət büdcəsi zərfinə daxil olan qanun layihələri müzakirə olunmaqdadır:

"Müzakirələr zamanı maaşların az olması və digər mühüm məsələlər barədə həmkarlarım fikir səsləndirir. İlk olaraq qeyd etmək istəyirəm ki, ölkəmizdə minimum əmək haqqı son 4 ildə sosial sahədə minimum əməkhaqqı 2,7 dəfə artırılaraq 130 manatdan 345 manata qaldırılıb. Eləcə də son 5 ildə aparılan sosial islahatlar nəticəsində ölkəmizdə minimum pensiya 2,5 dəfə artırılaraq 110 manatdan 280 manata çatdırılmasına nail olunub. Əlbəttə bu son deyil. Bu gün vətəndaşın sosial rifahının yaxşılaşdırılması dövlətin siyasətində əsas prioritetlərdən biridir. Cənab prezident İlham Əliyev hər il vətəndaşların rifahının artırılması istiqamətində müvafiq qərarlar qəbul edir, sərəncam və fərmanlar imzalayır. Bu gün dövlətimizin vətəndaşların rifahının daha da yüksəlməsi üçün davamlı olaraq müxtəlif addımları atır. Əlbəttə mən də istəyirəm ki, vətəndaşlarımızın yüksək əməkhaqqı alsınlar. Amma unutmaq lazım deyil ki, bu gün dövlətimiz işğaldan azad olunmuş torpaqlarımızın bərpa olunmasına, qaçqın və məcburi köçkünlərin öz doğma yurdlarına mümkün qədər tez qayıtmasına çalışır.Təbii ki, bunun üçün kifayət qədər böyük məbləğ lazımdır. Bu gün öz gücümüzlə Qarabağımızı bərpa edirik".

Deputat vurğulayıb ki, bu gün vətəndaşlarımız həm mənəvi, həm də maddi cəhətdən öz dövlətinə güvənir:

"Hazırda işğaldan azad olunmuş Qarabağ və Şərqi Zəngəzur bölgəsində böyük quruculuq və abadlıq işlərinin həyata keçirilir. Amma bununla yanaşı həm də dövlətimiz əhalinin sosial vəziyyətinin yaxşılaşdırılması yönündə diqqət və qayğısının da davam etdirir. Atılan addımlar, imzalanan sərəncamlar, fərmanlar göstərir ki, cənab prezident İlham Əliyevin sosial siyasətinin əsas prioritet istiqaməti vətəndaşların rifah halının daha da yaxşılaşdırılmasıdır. Əminəm ki, dövlətimizin bu istiqamətdə addımları davam edəcək, yaxın vaxtlarda maaş və pensiyalar, müavinətlar yenidən artırılacaq".

Aysel Yusifqızı

Telegramda izləyin