"Uşaqları kriminal aləmə sürükləyən musiqilərin rəsmi məktəb tədbirlərində çalınması təəssüfedici haldır" - Təhsil eksperti

Ölkə ərazisində keçirilən "Son zəng" tədbirlərində məzunların oynadıqları mahnılar diqqət çəkib.

Məktəblərin birində "Oğru aləmi" adlı mahnıya oynayan məzunları hətta valideynləri də alqışlayıblar.

Mövzu ilə bağlı Sonxeber.az-a danışan təhsil eksperti Elşən Qafarov bildirib ki, uşaqları kriminal aləmə sürükləyən musiqilərin rəsmi məktəb tədbirlərində çalınması, bir çox hallarda müəllimlərin onlarla birlikdə oynaması təəssüfedici haldır. Elm və Təhsil Nazirliyi hər bir olayı nəzarətə götürməlidir:

"Ümumiyyətlə son illərdə təhsil sistemimizdə tərbiyə ilə bağlı məsələlər arxa plana keçib və "Son Zəng"lərdə, məktəb tədbirlərində açıq-aşkar görürük. Uşaqların və müəllimlərin açıq-saçıq geyinməsi və vətənpərvərlik ruhunda olmayan,meşşan, bayağı musiqilərin "Son Zəng"də çalınması çox təəssüfedici haldır.
Ölkənin təhsil sistemində tərbiyə mühiti aradan qalxıb və birbaşa müəllimlərimiz, məktəb rəhbərliyi, təhsil sisteminin idarə edilməsində çalışan şəxslərin məsuliyyətsizliyidir. Birmənalı şəkildə başa düşülməlidirlər ki, meşşan, bayağı və ya uşaqları kriminal aləmə sürükləyən musiqilərin rəsmi məktəb tədbirlərində çalınması, bir çox hallarda müəllimlərin onlarla birlikdə oynaması təəssüfedici haldır. Elm və Təhsil Nazirliyi hər bir olayı nəzarətə götürməli, həmin məktəb rəhbərləri ciddi cəzalandırılmalı, tədbirdə uşaqların həmin musiqi ilə rəqs etməsinə şərait yardan müəllimlərlə bağlı addımlar atılmalıdır. Lakin təəssüflər olsun ki, Elm və Təhsil Nazirliyində bunu etmək istəyən və ya edə bilən kadrlarımız yoxdur".

Telegramda izləyin