Rusiyada iki yeniyetmə sinif yoldaşına 70-ə yaxın bıçaq zərbəsi vurub

Novosibirsk yaxınlığındakı Plotnikovo kəndində iki yeniyetmə sinif yoldaşını vəhşicəsinə öldürməyə cəhd edib.

Bir neçə gün öncə baş vermiş insident barədə anonim mənbəyə istinadla məlumat yayılıb.

Məlumata görə, iki məktəbli həmyaşıdını şiddətli şəkildə döyüb, qollarını sındırıb, kəlləsini əzərək üzünü kəsiblər və ümumilikdə, ona 70-ə yaxın bıçaq xəsarəti yetiriblər.

Eyni zamanda işgəncədən sonra yeniyetmə dəmiryol vağzalına gedən yolda körpünün yanında ölümə atılıb və qatara gedən insanlar tərəfindən tapılıb.

Komada olan məktəbli Çkalov xəstəxanasının reanimasiya şöbəsinə yerləşdirilib. İyunun 1-i şənbə günü o, özünə gəlib. Yerli sakinin sözlərinə görə, qısqanclıq münaqişə üçün zəmin rolunu oynayıb. Belə ki, hücum edənlərdən birinin keçmiş sevgilisi zərərçəkənin yanına gedib.
Regional İstintaq Komitəsinin mətbuat xidmətindən bildiriblər ki, hücum edənlər artıq saxlanılıblar.

Faktla bağlı "Qətl etməyə cəhd" maddəsi ilə cinayət işi başlanıb.

Telegramda izləyin