Paşinyan Müstəqillik Günü münasibətilə Baydenə təbrik məktubu göndərib

Ermənistanın Baş naziri Nikol Paşinyan Müstəqillik Günü münasibətilə Amerika Birləşmiş Ştatlarının prezidenti Co Baydenə təbrik məktubu göndərib.

Sonxeber.az xəbər verir ki, bu barədə erməni mətbuatı məlumat yayıb.

Məktubda belə deyilir:

"Hörmətli cənab Prezident,

Müstəqillik günü münasibətilə Sizi və dost Amerika xalqını Ermənistan Respublikası adından və şəxsən öz adımdan ürəkdən təbrik edirəm.

Birləşmiş Ştatlar və onun xalqı müstəqillik ideyası ətrafında birləşmək, demokratik gələcəyə baxış formalaşdırmaq və çətinliklərə birlikdə qalib gəlmək yolu ilə dövlət quruculuğu kimi çətin vəzifədən keçib. ABŞ-nin demokratiya sahəsində davamlı liderliyi bir çox ölkələrdə azadlıq, bərabərlik və ayrılmaz insan hüquqları kimi fundamental dəyərlərin təşviqinə töhfə verir.

Son illərdə aktiv erməni-amerikan ikitərəfli münasibətləri, xüsusilə demokratik islahatlar, qanunun aliliyinin möhkəmləndirilməsi və korrupsiyaya qarşı mübarizə sahələrində perspektivlidir. Mən qeyd etməkdən məmnunam ki, hökumətlərimiz arasında qarşılıqlı etimada əsaslanan əməkdaşlığımız mövcud problemlərin səmərəli həllinə, dövlətlərimiz və xalqlarımız arasında əlaqələri daha da möhkəmləndirməyə imkan verir.

Biz ABŞ-nin 2021-2022-ci illər ərzində praktikada nümayiş etdirilən Ermənistan Respublikasının ərazi bütövlüyü, suverenliyi və demokratiyasının dəstəklənməsi mövqeyini yüksək qiymətləndiririk. Biz həmçinin Cənubi Qafqazda uzunmüddətli və davamlı sülhün bərqərar olması, Ermənistan-Azərbaycan münasibətlərinin normallaşdırılması, Dağlıq Qarabağ əhalisinin hüquq və təhlükəsizliyinin təmin edilməsi istiqamətində ABŞ-nin səylərini yüksək qiymətləndiririk. Ermənistan Respublikası Ermənistan Respublikasının ərazi bütövlüyünün toxunulmazlığı naminə, müstəqillik, suverenlik və regionda uzunmüddətli sülh yolu ilə inkişaf naminə sülh gündəminə sadiq qalmaqda davam edir.

Cənab Prezident, Müstəqillik Günü münasibətilə sizi bir daha təbrik edir, Sizə və Amerika xalqına firavanlıq, sülh və davamlı tərəqqi arzulayıram".

Telegramda izləyin