"Azərbaycanla Ermənistan arasında tələsik sülh müqaviləsi yeni münaqişələrə səbəb ola bilər" -Denis Qonçar

"Azərbaycan və Ermənistan arasında tələsik sülh müqaviləsi bağlamaq cəhdi gələcəkdə daha çox münaqişələrə səbəb olacaq".

Sonxeber.az xəbər verir ki, bu sözləri Rusiya Xarici İşlər Nazirliyinin MDB ölkələri üzrə 4-cü departamentinin rəhbəri Denis Qonçar TASS-a müsahibəsində bildirib.

"Tələsik şəkildə uydurulmuş sülh müqaviləsi regionda davamlı sülhü təmin edə bilməyəcək. Əksinə, bu, yeni münaqişələr və gələcək faciələr üçün potensial zəmin yaradacaq. Sürət deyil, prioritet hesab edilməlidir", - deyə diplomat bildirib.

Qonçar qeyd edib ki, bir sıra Qərb ölkələri iddia edir ki, Bakı və İrəvan yaxın həftələr və ya aylar ərzində sülh müqaviləsi imzalaya bilərlər.

"Məsuliyyətli vasitəçinin vəzifəsi vaxt itirmək üçün danışıqlar prosesini sürətləndirmək deyil, möhkəm və uzunmüddətli razılaşmaları asanlaşdırmaqdır" ,- deyə o əlavə edib.

Rusiya diplomatının fikrincə, imzalanma müddətini tərəflər özləri müəyyən etməlidir.

Şəbnəm Lətifi

Telegramda izləyin