"Təhsili tamamlayan iki komponentdə, fiziki və mənəvi inkişafda çox böyük boşluqlar var" - Etibar Əliyev

İstiqamət: Uşaq və gənclərin fiziki və mənəvi inkişafı
"Orta məktəbin funksiyası tərbiyə, fənlər üzrə baza biliklərinin mənimsənilməsi və fiziki hazırlığın yüksəldilməsidir. Bütün dünyada bu belədir, ancaq təəssüflər olsun ki , bu gün təhsili tamamlayan iki komponentdə, fiziki və mənəvi inkişafda çox böyük boşluqlar var".

Bu sözləri Milli Məclisin Elm və Təhsil Komitəsinin üzvü, deputat Etibar Əliyev Sonxeber.az-a açıqlamasında deyib.

O qeyd edib ki, mənəvi inkişaf birmənalı olaraq tərbiyə ilə bağlıdır. Dünyanın ən tanınmış pedaqoqları hər zaman tərbiyəni təhsillə bərabər götürüblər. Bu gün isə müəllimlər tərbiyə komponentini təhsildən sıxışdırıb atıblar:

"Bu, mərhələli, zəncirvari proses olmalıdır. Proses uşaq bağçasından başlamalıdır. Sonrakı mərhələ təhsilin ən böyük mərhələsini təşkil edən orta məktəb təhsilidir. Yəni, orta məktəbin funksiyası tərbiyə, fənlər üzrə baza biliklərinin mənimsənilməsi və fiziki hazırlığın yüksəldilməsidir. Bütün dünyada bu belədir, ancaq təəssüflər olsun ki , bu gün təhsili tamamlayan iki komponentdə, fiziki və mənəvi inkişafda çox böyük boşluqlar var. Fiziki hazırlıqda orta məktəbdə çox ciddi problemlər var. Biz kənardan müşahidə etsək görürük ki, idman zallarının vəziyyəti, fiziki tərbiyə müəllimlərinin ixtisaslaşması açıq şəkildə bu mənzərəni göstərir. Mənəvi inkişaf isə birmənalı olaraq tərbiyə ilə bağlıdır. Dünyanın ən tanınmış pedaqoqları hər zaman tərbiyəni təhsillə bərabər götürüblər, bir çox hallarda tərbiyəyə, mənəvi sağlamlığa üstünlük veriblər. Uşaq xoşagəlməz hərəkət etdikdə biz ona demirik "təhsilin olsun", biz deyirik "tərbiyən olsun". Çox böyük ürək yanğısı ilə deyirəm ki, müəllimlər tərbiyə komponentini təhsildən sıxışdırıb atıblar. Bir vaxtlar müəllim həm tərbiyəçi, həm pedaqoq rolunu oynayırdı, uşaqların davranışına cavabdehlik daşıyırdı. Daha mühüm məqamı qeyd edim ki, Bakıda və bütün rayonlarımızda olimpiya idman mərkəzləri yaradılıb. Həmin məkanlarda tez-tez monitorinq aparmaq lazımdır ki, nə qədər gənc bu şəraiti dəyərləndirir. Digər tərəfdən gənclərlə görüşlər tez-tez təskil olunmalıdır. Amma təəssüf ki, buna tez-tez rast gəlmirik və bir çox hallarda yerli icra hakimiyyətləri də bu məsələyə böyük maraq göstərmirlər. Yetkin şəxsiyyət üçün məktəblərdə, hətta ali məktəblərdə fiziki tərbiyəyə əhəmiyyət verilməlidir. Mən Bakı Dövlət Universitetinin məzunuyam və bizə şərait yaradılırdı ki, idmanla məşğul olaq . Ona görə düşünürəm ki, yetkin vətəndaş yetişməsi üçün bu üç komponent bir-birini tamamlamalıdır".
Material Azərbaycan Respublikasının

Şəbnəm Lətifi

Telegramda izləyin