"Paşinyanın söylədiyi fikirləri və təxribat xarakterli hərəkətləri sülh sazişinin imzalanmasına böyük maneələr törədir" - Deputat

"Ermənistan rəhbərliyi Azərbaycana qarşı Avropa ictimaiyyətində mənfi fikir formalaşdırmağa çalışır. Ermənistanın Baş Naziri Paşinyanın söylədiyi fikirləri və təxribat xarakterli hərəkətləri sülh sazişinin imzalanmaslna böyük maneələr törədir".

Bu sözləri Milli Məclisin deputatı Kamilə Əliyeva Sonxeber.az-a bildirib.

O qeyd edib ki, bəzi qüvvələr ATƏT in Minsk qrupunun vasitəçilik missiyasını yenidən bərpa etmək barədə fikirlər səsləndirir. Azərbaycan öz torpaqlarını işğaldan azad etdikdən sonra əvvəldən fəaliyyət göstərməyən Minsk qrupunun fəaliyyətinin bərpası mümkün deyil və bu təşkilat ölmüş bir qurumdur:

"Azərbaycan Respublikasının Prezidenti cənab İlham Əliyevin iyulun 22-də Euronews kanalına Azərbaycan dövlətinin bölgədə sülhün təmin edilməsində həyata keçirdiyi siyasət, sülh prosesinə töhfə verə biləcək istənilən platformada danışıqlara müsbət yanaşması barədə verdiyi müsahibə erməni yalanlarını ifşa etdi.
Müharibədən sonra sülhün bərqərar olması üçün Prezident İlham Əliyevin irəli sürdüyü ölkələrin bir- birinin ərazi bütövlüyü, suverenliyi, beynəlxalq səviyyədə gəbul edilmiş sərhədlərin tanınmasını ifadə edən beş əsas prinsip beynəlxalq hüquqa əsaslanır. Ermənistan 30 ilə yaxın Azərbaycan torpaqlarını işğalda saxladı, bir milyon azərbaycanlı öz torpaqlarından məcburi şəkildə qovuldu, insanlarımız qətlə yetirildi. Azərbaycan güc və siyasi yolla torpaqlarımızı işğaldan azad etməklə ədaləti bərpa etdi. Azərbaycan bölgədə sülhün yaranması üçün Azərbaycanla Ermənistan arasında sülh müqaviləsi imzalanması təklifini irəli sürdü. Bu, Azərbaycan dövlətinin ədalətli mövqeyinin, bölgədə əmin-amanlığın bərqərar olunmasına çalışmasının nümunəsii idi. Azərbaycan Ermənistanla münasibətlərin normallaşmasına Avropa İttifaqının vasitəçilik səylərini yüksək qiymətləndirir. Avropa İttifaqı Şurası Prezidentinin təşəbbüsü ilə keçirilən üçtərəfli görüşlər bir sıra məsələlərin həll olunmasına töhfə verir. Bəzi qüvvələr ATƏT in Minsk qrupunun vasitəçilik missiyasını yenidən bərpa etmək barədə fikirlər səsləndirir. Azərbaycan öz torpaqlarını işğaldan azad etdikdən sonra əvvəldən fəaliyyət göstərməyən Minsk qrupunun fəaliyyətinin bərpası mümkün deyil və bu təşkilat ölmüş bir qurumdur".

Deputat qeyd edib ki, erməni əsilli Azərbaycan vətəndaşları Laçın yolunun tikintisilə məşğul olan işçilərə yaxınlaşıb münasibət qururlar:

"2020-ci noyabrın 10-da Rusiyanın vasitəçiliyi ilə Bəyannamə imzalanmışdır. Bəyannamə müharibədə Azərbaycan dövlətinin qalib, Ermənistanın isə məğlub olmasını şərtləndirən və atəşkəsin elan edilməsi barədə bir sənəd idi. Müharibədən sonra Rusiyanın iştirakı ilə münasibətlərin normallaşdırılması üçün Moskvada üçtərəfli görüşlər təşkil olunsa da Rusiya-Ukrayna müharibəsi başlandıqdan sonra münasibətlərin normallaşdırılmasında Avropa İttifaqı və ABŞ bu missiyanı öz üzərinə götürdü. Azərbaycan münasibətlərin normallaşdırılmasına töhfə verə biləcək istənilən platformada görüşlərin aparılmasına və sülh müqaviləsinin imzalanmasına tərəfdar olduğunu bəyan etmişdir.
Bu gün Azərbaycanla Rusiya arasında münasibətlər bir birinin ərazi bütövlüyünün, suverenliyinin tanınmasına əsaslanır. Hər iki ölkə arasında bir sıra iqtisadi və ticarət əlaqələri barədə layihələr mövcuddur. Ölkəmizin Avropa İttifaqı ilə əlaqələri arzu olunan səviyyədədir. Eyni zamanda bu gün Azərbaycan Avropa İttifaqına üzv ölkələrin enerji təhlükəsizliyində mühüm rol oynayır.Prezident cənab İlham Əliyev müsahibəsində müharibə və müharibədən sonrakı dövrlərdə Laçın yolu ilə bağlı yaranmış vəziyyət barədə məlumat verdi. Müharibədən əvvəl ermənilər Laçın dəhlizi vasitəsilə Qarabağa silah - sursat da daxil olmaqla hər cür yük daşıyırdılar. 2020-ci il 10 noyabr Bəyannaməsindən sonra Laçın yoluna Rusiya Sülhməramlıları nəzarət etməyə başladı, lakin dəhlizdən keçirilən yük daşımalarında mahiyyət dəyişmədi.
Ermənistan Laçın dəhlizi vasitəsilə Azərbaycanın təbii sərvətlərini daşıyırdı. Azərbaycanda vətəndaş cəmiyyətinin nümayəndələri və ekoloji fəallar bu qeyri-qanuni fəaliyyətə etiraz əlaməti olaraq yola müəyyən qədər nəzarət etməyə başladı. Sonrakı dövrdə Azərbaycanın Laçın yolunda nəzarət buraxılış məntəqəsini təsis etməsi beynəlxalq hüquqa əsaslanır. Hər bir suveren, müstəqil dövlətin digər ölkə ilə sərhəddə nəzarət buraxılış məntəqəsi yaratmaq hüquqi vardır. Ermənistan rəhbərliyi Qarabağda yaşayan ermənilərin güya blokadada qalması barədə yaydıqları informasiyaların heç bir əsası yoxdur və onların qaldırdığı iddia Ədalət Məhkəməsi tərəfindən də qəbul edilməmişdir. Nəzarət buraxılış məntəqəsi təsis edildikdən sonra 2000-dən çox sakin Qarabağdan Ermənistana və əks istiqamətdə gedib gəlib. Ölkə başçımız müsahibəsində Qırmızı Xaç Komitəsinin Qarabağda qanunsuz əməllərə yol verməsi barədə də məlumat verdi. Bu təşkilatın avtomobillərində Qarabağa qaçaqmalçılıq yolu ilə malların keçirilməsi aşkarlanmış və onlar özləri də bu faktları etiraf etmişdilər. Ümumiyyətlə Qarabağdakı Qırmızı Xaç Komitəsinin nümayəndəliyinin Bakı ofisinə deyil, İrəvandakı ofisinə tabe olması qeyri qanunidir. 30 illik işğal zamanı ermənilər şəhər və kəndlərimizi viran qoymuş, tamamilə dağıtmışdılar. Şuşa və bir neçə kəndlərimizdə xaricdən gətirilən erməniləri qeyri-qanuni məskunlaşdırmışdılar. Müharibədə qələbəmizdən sonra ermənilərin, Azərbaycanın Ermənistana qarşı torpaq iddiasında olması barədə fikirləri tamamilə əsassızdır. Prezident cənab İlham Əliyev bütün çıxışlarında bölgədə sülhün bərqərar olmasını və Ermənistana qarşı heç bir ərazi iddiasında olmadığımızı vurğulamışdı. Azərbaycan Qarabağda yaşayan ermənilərə seçim hüququ verəcək. Hal - hazırda Qarabağda Rusiya sülhməramlı qüvvələrinin müvəqqəti nəzarət etdiyi ərazilərdə yaşayan ermənilər gələcəkdə burada yaşamaq istəsələr onların hüquqları Azərbaycanda yaşayan digər milli azlıqların hüquqları ilə eyni qaydada Azərbaycan Konstitusiyasına uyğun qorunacaq və heç bir ayrı-seçkiliyə yol verilməyəcək.
Bu gün separatizmlə mübarizədə Qərb və Avropa Ukraynaya göstərdikləri mövqeyi təəssüf ki, Azərbaycana göstərmir.
Prezident cənab İlham Əliyev müharibədən əvvəl Ermənistandan qovulan azərbaycanlıların öz yurd yerlərinə dönmək hüquqlarının olması barədə də fikirlər söylədi.
Müharibədən əvvəl yüz minlərlə azərbaycanlı Ermənistan ərazisində yaşayıb və onlar zorla yaşadıqları yerlərdən qovulublar. Tarix boyu bu ərazilərdə yaşayan azərbaycanlılar etnik təmizlənməyə məruz qalıb və ermənilər azərbaycanlılara məxsus mədəni və irsi abidələri tamamilə dağıdıb. Azərbaycanla Ermənistan arasında diplomatik münasibətlər qurulduqdan sonra bu insanların da öz evlərinə dönmək hüququ olacaq və bu baş verəcəkdir. Ermənistan hökuməti sağlam düşüncə ilə beynəlxalq hüquqa riayət edərək azərbaycanlıların hüquqlarını və təhlükəsizliklərini təmin edərək onların öz torpaqlarına qayıtmalarına şərait yaratmalıdır.
Qarabağda yaşayan sadə ermənilər Azərbaycanda yaşamaq arzusunda olduqlarını gizlətmirlər. Erməni əsilli Azərbaycan vətəndaşları Laçın yolunun tikintisilə məşğul olan işçilərə yaxınlaşıb münasibət qururlar. Azərbaycan dövləti Qarabağda yaşayan erməni əsilli Azərbaycan vətəndaşlarının təhlükəsizliyi, o cümlədən təhsil, mədəniyyət hüquqlarını qorunmasını təmin edəcək və onlar ölkəmizdə normal şəkildə yaşayacaq".

Telegramda izləyin