"Azərbaycanda qız qaçırma halları ənənəyə çevrilib"- AÇIQLAMA

Azərbaycanda keçmişdən günümüzə qədər qız qaçırma halları, adam oğurluğu mövcuddur. Xüsusilə, qərb bölgələrində bu tip hallara daha çox rast gəlinir. Hüquqşünas Ələsgər Məmmədli BiG.AZ-a açıqlamasında bildirib ki, qız qaçırma adam oğurluğu hesab olunur. Cinayət məcəlləsində 5 ildən 10 ilə qədər müxtəlif həbs dərəcələri mövcuddur:

"Azərbaycanda əvvəllər cinayət məcəlləsində " evlənmək məqsədilə qaçırmaq" deyə bir maddə var idi. 3 ilə qədər cəza nəzərdə tutulmuşdu. İndi isə qanunda adam oğurluğu maddəsi mövcuddur. Qanunda 144-cü maddə ilə 5 ildən 10 ilə qədər müxtəlif həbs dərəcələri var. Nə məqsədlə olsun qaçırmaq konkret olaraq adam oğurluğu hesab olunur. Adam oğurluğu cinayət əməli olaraq qeydə alınır. Qaçırılan şəxsə hansısa formada zorlama tətbiq olunubsa, əlavə olaraq zorlama maddəsi də cinayət işinə əlavə olunacaq. Yəni bir neçə maddə ilə şəxs ittiham oluna bilər. Azərbaycanda qız qaçırma, adam oğurluğu uzun bir müddət təəssüflər ki, neqativ mənada belə olsa ənənəyə çevrilib. Bu ənənə bəzi cəmiyyətə adaptasiya olmaqda problem yaşayan təbəqələr üçün bir növ sığınaq halına gəlib. Bu stereotip nəticəsində düşünürlər ki, qız qaçırmaq hansısa "qəhrəmanlıq" nəticəsidir. Şəxsin razılığı olmadan hansısa formada 18 yaşına çatmış şəxs qaçırılırsa, bu artıq adam oğurluğudur. Əgər yaş göstəricisi 18-dən aşağıdırsa, azyaşlıya yönəlik daha ağırlaşdırıcı nüanslar var. Bu yöndə artıq maarifləndirici addımlara ehtiyac var. Hüquq mühafizə orqanları bu tip hadisələrə daha tolerant və loyal yanaşırlar. Buna görə hadisə üzrə real statiska və gerçək statiska böyük ehtimalla eyni deyil. Ona görə də bu tip adam öğurluqları hüquq müstəvisinə daşınmaya bilir."

Telegramda izləyin