"Müəllimlər müsahibəyə gedərkən birinci növbədə görünüşlərinə diqqət yetirsinlər"- Kamran Əsədov

Müəllimlərin işə qəbulu üzrə müsabiqənin müsahibə mərhələsinə start verilir.

Təhsil ekspeti Kamran Əsədov Sonxeber.az-a bildirib ki, müəllimlər müsahibəyə gedərkən birinci görünüşlərinə, yəni geyim və saç düzümünə diqqət yetirsinlər.Müəllim sanki sinifdə imiş kimi, uşaqlar ondan nəsə soruşur, ona cavab verirmiş kimi qarşısındakını aydınlatmaq məqsədi ilə cavablasınlar:

"Azərbaycandada müəllimlərin işə qəbulu müsabiqəsi 2009-cu ildən həyata keçirilir. 2013-cü müəllimlərin işə qəbulunda yeni bir mərhələ başlayıb. Artıq hər kəs bilir ki, orta məktəblərdə müəllim işləmək üçün yeganə yol müsabiqə və müsahibə mərhələsindən keçməkdir. Test mərhələsindən, yəni müsabiqədən uğurla keçən şəxslər müsahibə mərhəsində olacaqlar. Onlar artıq özlərini müəllim kimi təsdiq etməlidirlər. Bu mərhələdə ümumi dünyagörüşü, ixtisas bilikləri, psixoloji durumları yoxlanılacaq.Yaxşı olar ki, müəllimlər müsahibəyə gedərkən birinci görünüşlərinə, yəni geyim və saç düzümünə diqqət yetirsinlər. Eyni zamanda oğlanlar üzərinin təmizliyinə, səliqəyə diqqət yetirsinlər. Çünki onlar müəllim namizədidirlər. Bundan başqa, onlara verilmiş sualları səbrlə dinləyərək aydın cavab versinlər. Qısa cavab verməsinlər. Müəllim sanki sinifdə imiş kimi, uşaqlar ondan nəsə soruşur, ona cavab verirmiş kimi qarşısındakını aydınlatmaq məqsədi ilə cavablasınlar. Səbrli olmağı tövsiyə edirəm. Səbrlə, təmkinlə müsahibə komissiyasının bütün üzvlərinin suallarını dinləyərək tələsmədən cavab versələr daha yaxşı olar".

Şəbnəm Lətifi

Telegramda izləyin