Britni Spirs botoksdan sonra üzündəki dəyişikliklərdən şikayətlənib - VİDEO

Amerikalı pop müğənni Britni Spirs botoks iynəsi vurdurmaqdan imtina edib.

O, bu barədə özünün "Instaqram" səhifəsində məlumat verib.

B. Spirsin dediyinə görə, o, botoksla bağlı xoşagəlməz təcrübə keçirib.

Ulduz müğənni bildirib ki, o iynəni vurandan sonra alnı şişib, göz qapaqları sallanıb və bir qaşı digərindən aşağıya enib.
Bundan əlavə, B. Spirs inyeksiya nəticəsində yaranan göyərmələrdən də şikayətlənib.

Müğənni əlavə edib ki, düşdüyü vəziyyətdən sonra iki həftə evdən çıxa bilməyib və o vaxtdan inyeksiyalardan imtina etmək qərarına gəlib.

Telegramda izləyin