Bəxtiyar Vahabzadənin doğum günüdür

Bəxtiyar Vahabzadənin doğum günüdürBu gün mərhum Xalq şairi Bəxtiyar Vahabzadənin doğum günüdür.

Oxu.Az xatırladır ki, Bəxtiyar Vahabzadə 16 avqust 1925-ci ildə Şəki şəhərində fəhlə ailəsində anadan olub.

Bakıda orta məktəbi bitirdikdən sonra Azərbaycan Dövlət Universitetinin (indiki Bakı Dövlət Universiteti) Filologiya fakültəsində təhsil alıb.

Bədii yaradıcılığa 1943-cü ildə "Ana və şəkil" adlı ilk şeirini çap etdirdikdən sonra başlayıb. Onun lirik şeir və poemalarında, mənzum pyeslərində müasir dövrün problemləri lirik-fəlsəfi planda, yeni əlvan boyalarla təsvir edilir. "İkinci səs", "Vicdan", "Yağışdan sonra", "Yollara iz düşür", "Fəryad", "Hara gedir bu dünya", "Özümüzü kəsən qılınc", "Cəzasız günah", "Dar ağacı" və "Rəqabət" pyesləri Azərbaycan Dövlət Akademik Milli Dram Teatrında tamaşaya qoyulub.

O, tənqidçi-ədəbiyyatşünas kimi də fəaliyyət göstərib.

B.Vahabzadə Azərbaycan Dövlət Universitetində Müasir Azərbaycan Ədəbiyyatı kafedrasının professoru vəzifəsində çalışıb. O, 1990-cı ildə təqaüdə çıxıb. Azərbaycan Milli Elmlər Akademiyasının (AMEA) müxbir üzvü, sonra həqiqi üzvü seçilib. 1981-ci ildə SSRİ Yazıçılarının VII qurultayında SSRİ Yazıçılar İttifaqı İdarə Heyətinin üzvü seçilib. O, həmçinin Azərbaycan Yazıçılar İttifaqının İdarə Heyətinin və Ağsaqqallar Şurasının üzvü idi.

Ədəbi-bədii prosesin yorulmaq bilməyən təbliğatçısı və təşkilatçısı kimi tanınırdı. Azərbaycan Kommunist Partiyasının Bakı şəhər Komitəsinə üzv və bir neçə çağırış Bakı xalq deputatları Sovetinə və X çağırış Azərbaycan Ali Sovetinə, 1995 və 2000-ci illərdə Azərbaycan Milli Məclisinə deputat seçilib. 1976-cı ildə "Leninlə söhbət" və "Muğam" poemalarına görə Azərbaycan Dövlət mükafatına layiq görülüb.

B.Vahabzadə 1960-cı illərdən başlayan milli azadlıq hərəkatının öncüllərindən biri idi. O, 1958-ci ildə yazdığı "Gülüstan" poeması ilə iki yerə parçalanmış Azərbaycanın tarixi faciəsini dilə gətirib, rus və fars imperiyasının pəncəsi altında inləyən Azərbaycan xalqının azadlıq və istiqlal uğrundakı ədalətli mübarizəsinə qoşulub.

Bu poemaya görə 1962-ci ildə şair "millətçi" damğası ilə Azərbaycan Dövlət Universitetindən çıxarılıb, yalnız iki ildən sonra işə bərpa edilib.

B.Vahabzadə 70-dən artıq şeir kitabının, iki monoqrafiyanın, 11 elmi publisistik kitabın və yüzlərlə məqalənin, eləcə də tarixi və müasir mövzuda 20-dən artıq poemanın müəllifidir. Şairin əsərləri - şeir kitabları, dramları və publisistik yazıları dünyanın bir çox dillərinə, o cümlədən ingilis, fransız, alman, fars, türk, polyak, ispan, macar, həmçinin də keçmiş Sovetlər Birliyi xalqlarının dillərinə tərcümə edilib.

Xalqı oyandırmaq məqsədi ilə əsərlərini qələmə alan B.Vahabzadə şeirlərində vətən, millət, ailə, təbiət, dil, azadlıq həsrəti kimi mövzuları ən güclü və dərin məzmunlarla izah edib.

O, 2009-cu il fevral ayının 13-də, 83 yaşında uzun sürən xəstəlikdən sonra Bakıda vəfat edib.


Sonxeber.az
Telegramda izləyin
Mədəniyyət   Baxılıb: 1523   Tarix: 16 avqust 2023  

Şikayətiniz varsa Whatsapp: 077 7125666

Facebookda Paylaş


Turlar.az

Oxşar xəbərlər

.

Fəxriyə Xələfova "Füsünkar İpək" kolleksiyasını təqdim etdi - VİDEO

Əməkdar incəsənət xadimi Fəxriyə Xələfova "Füsünkar İpək" adlı yeni moda kolleksiyasını təqdim edib. xəbər verir ki, Fəxriyə Xələfovanın kolleksiyası ənənəvi Azərbaycan ipək kəlağayısı ilə müasir axşam paltarlarının harmonik birləşməsindən ibarətdir. Bu ilhamverici sintez keçmiş və bu gün

11 dekabr
.

Xalq artisti Roza Cəlilova dəfn edilib

Xalq artisti Roza Cəlilova dəfn edilib. "Report"a istinadən xəbər verir ki, mərhum "Qurd qapısı" qəbiristanlığında torpağa tapşırılıb

19 noyabr
.

Operada yaş qalmaqalı: "Leyli"dən narazılara cavab

Xalq artisti Mənsum İbrahimov və Nəzakət Teymurovanın "Leyli və Məcnun" tamaşasında baş rol alması yenidən sosial şəbəkə izləyiciləri tərəfindən narazılıqla qarşılanıb. İzləyicilər adıgedən obrazın hər iki sənətkarın yaşına uyğun gəlmədiyini bildirib. Tamaşa 2026-cı ilin yanvar ayının 12-d

11 dekabr
.

Əməkdar artist Yadigar Muradov dəfn olundu

Əməkdar artist Yadigar Muradov dəfn olunub. xəbər verir ki, onun nəşi Badamdar qəbiristanlığında torpağa tapşırılıb

18 noyabr
.

Naxçıvanda yeni regional mədəniyyət idarələri yaradıldı

Naxçıvan Mədəniyyət Nazirliyinin regional bölmələri yenidən təşkil edilib. -a istinadən xəbər verir ki, nazirliyin rayon (şəhər) mədəniyyət idarə və şöbələri ləğv olunub. Yeni Sərəncama əsasən, nazirliyin regional mədəniyyət idarələri yaradılıb. Bundan sonra nazirliyin cəmi 3 regional mədəniyyət idarəs

12 noyabr
.

Azərbaycanda tanınmış rəssam vəfat etdi

Azərbaycan Dövlət Rəssamlıq Akademiyasının "Bədii keramika, şüşə və metal" kafedrasının müəllimi olmuş tanınmış rəssam Ədalət Məmmədov vəfat edib. xəbər verir ki, bu barədə Azərbaycan Dövlət Rəssamlıq Akademiyası məlumat yayıb. Qeyd edək ki, Ədalət Məmmədov Bakı İncəsənət kollecində, daha sonr

22 noyabr
.

Tamara Fətullayeva vəfat etdi - 40 il direktor işləmişdi

Lənkəran rayonunda muzey direktoru vəfat edib. "Qafqazinfo" xəbər verir ki, bu, iki dəfə Sovet İttifaqı Qəhrəmanı, tank qoşunları general-mayoru Həzi Aslanovun ev-muzeyinin direktoru Tamara Fətullayevadır. Qeyd edək ki, muzeyə daha əvvəl Həzi Aslanovun həyat yoldaşı Xavər xanım rəhbərlik edib

8 dekabr
.

Yaşar Nurinin qızı vəfat etdi

Mərhum Xalq artisti Yaşar Nurinin qızı Ülviyyə Yaşarqızı vəfat edib. Bu barədə "Qafqazinfo"ya onun bacısının köməkçisi məlumat verib. Bildirib ki, o, gecə saatlarında ürək çatışmazlığından dünyasını dəyişib. Qeyd edək ki, Xalq artisti Yaşar Nuri 2012-ci il noyabrın 22-də, 61 yaşında vəfat edib

15 noyabr
.

Xalq artisti Gülyanaq Məmmədova nə işlə məşğuldur?

Xalq artisti Gülyanaq Məmmədova yeni mahnılar üzərində işləyir. Bu barədə Qaynarinfo-ya onun özü məlumat verib. Müğənni həmin mahnıların hər birinə klip çəkiləcəyini vurğulayıb:. "Nəsibə İsrafilqızının sözlərinə Fərahim Sadiqin bəstələdiyi "Türksoy" adlı əsər üzərində işləyirik. Möhtəşə

20 oktyabr