Rusiya Qarabağla bağlı Ermənistan və Azərbaycanla təmasları davam etdirdiyini bildirib

Kremlin sözçüsü Dmitri Peskov bildirib ki, Moskva Qarabağda davam edən gərginlikdən narahatdır və Ermənistan və Azərbaycanla əlaqələri davam etdirir.

Sonxeber.az xəbər verir ki, TASS xəbər agentliyi Peskovun həm Ermənistanı, həm də Azərbaycanı təmkinli olmağa çağırdığını bildirib.

"Əlbəttə, biz gərginliyin azalmamasından və hətta bəzi hissələrdə artmağa meylli olmasından narahatıq. Heç nədən asılı olmayaraq, Rusiya təhlükəsizliyin etibarlı təminatçısı olaraq qalır. Biz həm İrəvan, həm də Bakı ilə təmaslarımızı davam etdiririk və təbii ki, biz hər iki tərəfi təmkin nümayiş etdirməyə və üç il əvvəl imzalanmış üçtərəfli sənədlərin ruhunda hərəkət etməyə çağırırıq", - deyə Peskov bildirib.

Telegramda izləyin