Kosovonun şimalında serblərin atəş açması nəticəsində bir polis ölüb

Kosovonun şimalında əsasən serblərin yaşadığı Şimali Mitrovitsada yolu bağlayan silahlı serblərin polisə atəş açması nəticəsində bir polis ölüb, biri yaralanıb.

Sonxeber.az xəbər verir ki, Kosovo polisindən verilən açıqlamada bildirilib ki, bir qrup silahlı serb Şimali Mitrovitsa yaxınlığında yerləşən Bajnske kəndinin girişindəki körpünün üzərinə nömrəsiz iki yük maşını yerləşdirərək kənd yolunu bağlayıb.

Açıqlamaya görə, xəsarət alan polislər xəstəxanaya çatdırılıb və bütün səylərə baxmayaraq, bir polis əməkdaşı dünyasını dəyişib.

Yüngül yaralanan digər polis əməkdaşının isə həyati təhlükəsinin olmadığı açıqlanıb.

Hadisədən sonra bölgəyə çoxlu sayda təhlükəsizlik qüvvəsi göndərilib, Kosovo ilə Serbiya arasındakı Brnjak sərhəd-keçid məntəqəsi də bağlanıb.

Kosovo liderləri də sosial media hesablarında paylaşımlarla hücuma reaksiya veriblər.

Telegramda izləyin

instagramda izləyin