Həbsxanada milyonçu oldu

Venesuelada 17 il həbs cəzası çəkən 'Nino' ​​(uşaq) ləqəbli dəstə lideri Hektor Qerreronun (39) ildə 3 milyon dollar qazandığı məlum olub.

BiG.AZ xarici mənbəyə istinadən xəbər verir ki, Nino ölkənin ən güclü karteli Tren de Araquanın liderlərindən biridir. Onun qaldığı Tocoron həbsxanasında hovuz, zoopark, gecə klubları, barlar, restoranlar və uşaq meydançası kimi müəssisələr qurduğu müəyyən edilib. Dəstə üzvləri ilə birlikdə həbsxanaya nəzarəti ələ keçirən Nino bu yerləri işlətməklə pul qazanıb.

Onun bu yerlərdən istifadə etmək müqabilində məhbuslardan həftəlik 15-20 dollar pul aldığı müəyyən edilib. Nino həbsxanadakı ikimərtəbəli iqamətgahlardan birini dəbdəbəli villaya çevirib. Qeyd edək ki, səlahiyyətlilər həbsxanaya nəzarəti bərpa etmək üçün 11 min əsgərlə əməliyyat başladıb.

Bu əməliyyatdan əvvəl Nino xəbərdar edilib və 400-500 dəstə üzvü ilə qaçıb. Qaçan dəstə üzvlərindən 60-ı saxlanılıb. Ninonun Peru və ya Kolumbiyaya qaçdığı güman edilir. Məlum olub ki, həbsxanada bitkoin qazma maşınları ilə dolu bir otaq da Ninonun işidir.

Həbsxananın içərisində əl qumbaraları ilə dolu otaq da tapılıb. Dörd həbsxana məmuru dəstəyə silah qaçaqmalçılığına kömək etdikləri üçün həbs edilib. Dəstənin basqına qarşı iğtişaş törətməyə hazırlaşdığı məlum olub. Ölkədəki 53 həbsxanadan 8-i dəstənin nəzarəti altındadır.

Telegramda izləyin

instagramda izləyin