Xankəndi yaxınlığındakı partlayışda həlak olanların sayı açıqlanıb - YENİLƏNİB

Azərbaycanın Xankəndi şəhərinin yaxınlığında yanacaqdoldurma məntəqəsində yanğınla müşayiət olunan partlayış hadisəsi nəticəsində ölənlərin sayı açıqlanıb.

Yerli hüquq müdafiəçisi Qaqam Stepanyana istinadən yayılan məlumata görə, partlayış nəticəsində ölənlərin təsdiqlənmiş sayı 68 nəfərdir.

Bildirilir ki, ölənlərdən 21 nəfərin şəxsiyyəti müəyyən edilib, qalanların kimliyi hələ ki məlum deyil.

Yaralıların sayı isə 290 nəfərə çatıb.

21:59

Ermənistan Səhiyyə Nazirliyi Azərbaycanın Xankəndi şəhərinin yaxınlığında yanacaqdoldurma məntəqəsində yanğınla müşayiət olunan partlayış hadisəsi nəticəsində ölənlərin sayını açıqlayıb.

Səhiyyə naziri Anait Avanesyan bildirib ki, hadisə nəticəsində 125 nəfər həlak olub.

Qeyd edək ki, sentyabrın 25-də Xankəndi yaxınlığındakı yanacaqdoldurma məntəqəsində baş verən partlayışdan sonra qeydə alınan yanğın Fövqəladə Hallar Nazirliyi (FHN) Dövlət Yanğından Mühafizə Xidmətinin qüvvələrinin fədakarlığı və peşəkar fəaliyyəti sayəsində genişlənməsinə imkan verilmədən qısa müddətdə söndürülüb./Oxu.az

Telegramda izləyin