Etibar Əliyev: "Niyə tədqiqat universitetinin alimlərinin məqalələri BDU-nun adına yazılmalıdır?" - VİDEO

"Ali təhsil müəssisələrinin rəqabət münasibətlərinin tənzimlənməsinə ayrıca bir fəsil ayrılsın".

BAKU.WS BAKU.TV-yə istinadən xəbər verir ki, deputat Etibar Əliyev Milli Məclisin İqtisadi siyasət, sənaye və sahibkarlıq komitəsinin bu gün keçirdiyi Rəqabət Məcəlləsinin layihəsi ilə bağlı ictimai dinləmədə bu təklifi irəli sürüb.

"Azərbaycan Respublikasının 2022-2026-cı illərdə sosial-iqtisadi inkişaf strategiyasında tələbə sayının 75 minə qaldırılması nəzərdə tutulur. Bu, kəmiyyət dəyişikliyidir, keyfiyyət dəyişikliyi ola bilməz. Çünki universitetlər arasında rəqabət formalaşmayıb", – deyə E.Əliyev qeyd edib.
Deputatın sözlərinə görə, elə ali məktəblər var ki, onlara süni üstünlüklər verilir. Bu da rəqabət anlayışına kölgə salır:

"Elmi-tədqiqat institutlarının 5-nin elmi potensialı Bakı Dövlət Universitetinə (BDU) verilib. Deyirlər ki, BDU məqalə, tələbə və müəllim sayına görə öndə gedir. Bu, süni şəkildə yaradılıb. Niyə tədqiqat universitetinin alimlərinin məqalələri BDU-nun adına yazılmalıdır?"

Telegramda izləyin

instagramda izləyin