"Titan" haqda film çəkilir

"MindRiot Entertainment" kino şirkəti "Titan" sualtı gəmisinin qəzaya uğramasından bəhs edən filmin hazırlanmasına başlayıb.

Axşam.az xəbər verir ki, bu barədə "Deadline" nəşri məlumat yayıb.

Bildirilib ki, filmin əvvəlcə sənədli serial formatında yayımlanması nəzərdə tutulurdu, lakin bu fikir daha sonra rədd edildi.

Filmin prodüseri Brayan Dobbins, rejissorları isə Castin Makqreqor və Conatan Keysi olacaq.

"Xilasetmə" adlı filmin faciədən əvvəlki və sonrakı dövrləri əhatə edəcək.

Qeyd edək ki, "Titanik" gəmisini görməyə gedən "Titan" sualtı qayığı qəzaya uğrayıb və ekipajda olan beş nəfər dünyasını dəyişib. Qayıq iyunun 18-də, dalış başlayandan təxminən 1 saat 45 dəqiqə sonra yoxa çıxmışdı. Sualtı qayıqda britaniyalı milyarder və kəşfiyyatçı Hamiş Hardinq, "OceanGate Expeditions" şirkətinin direktoru Stokton Raş, fransız akvanavtı Pol-Anri Narjolais, Pakistanın ən varlı şəxslərindən olan 48 yaşlı Şahzadə Davud və 19 yaşlı oğlu Süleyman olub.

Telegramda izləyin