"Rusiya rəhbərliyi Melitopolu gücləndirmək üçün Baxmutu təhvil verməyə hazır ola bilər" - ISW

"Bu iddialar Gerasimovun bəlli davranış modelindən xeyli kənara çıxır və onu nüfuzdan salmaq səylərindən xəbər verir..."

"Ukraynalı hərbçilər artıq oktyabr ayında Zaporojye vilayətinin Tokmak şəhərinə çata bilər..."

Rusiya Federasiyası Baş Qərargahının rəhbəri Valeri Gerasimov Baxmutdan qoşunlarını çıxarmağa hazırdır və Ukrayna qüvvələrinin artilleriyasını Krıma yaxınlaşdırmağa imkan verməmək üçün Melitopolun müdafiəsinə üstünlük verir.

Bu barədə Amerikanın müharibənin öyrənilməsi İnstitutunun (ISW) analitikləri rusiyalı insayderlərə istinadən yeni hesabatında yazıb.

Rusiyanın hərbi komandanlığı Melitopol və Berdyanskın müdafiəsini möhkəmləndirmək üçün cənub və şərqdə bəzi mövqelərini qurban verməyə hazır olduğu güman edilir. Hesabatda deyilir ki, bunu Rusiyanın insayder mənbələrindən biri iddia edib.

Qeyd edilir ki, bu ayın əvvəlində Rusiyanın insayder mənbələri qeyd edib ki, Rusiya Federasiyası Baş Qərargahının rəhbəri Valeri Gerasimov, mümkündür ki, Tokmakın müdafiəsi hesabına Melitopol və Berdyanskın müdafiəsi üçün Rusiya qüvvələrini qoruyub saxlamaq istəyir.

"Sentyabrın 27 və 28-də sosial şəbəkələrdəki mənbələr bu şayiəni yayıb, bundan sonra Rusiyanın insayder mənbəyi bəyan edib ki, Gerasimov həmçinin qoşunlarını Baxmutdan çıxarmağa hazırdır və Ukrayna qüvvələrinə artilleriyasını Krıma yaxınlaşdırmağa imkan verməmək üçün Melitopolun müdafiəsinə üstünlük verir", - ISW analitikləri qeyd edib.

Eyni zamanda, amerikalı analitiklər qeyd edib ki, Gerasimovun Rusiya qoşunlarını Melitopola geriyə çəkmək və orada Rusiyanın müdafiəsini möhkəmləndirmək niyyətində olması barədə iddialar "Gerasimovun bəlli davranış modelindən xeyli kənara çıxır".

"ISW insayderin bu iddialarını təsdiq edən sübutlara malik deyil. Əgər bu iddialar yalandırsa, bu, Rusiyanın informasiya məkanında Gerasimovu nüfuzdan salmaq üçün nizamlı səylər ediilməsinin sübutu ola bilər", - analitiklər qeyd edib.

Bu, onu göstərir ki, bu iddialar Rusiya rəhbərliyi arasında informasiya savaşının bir hissəsi ola bilər, çünki Rusiyanın bəzi mənbələrinin məlumatına görə, Gerasimov Hava-Desant Qoşunlarının komandanı general-polkovnik Mixail Teplinskini Ukraynada komandan müavini vəzifəsindən kənarlaşdırıb.

Ona görə də, mümkündür ki, Gerasimovun cəbhədə güzəştlərə getməyə hazır olması barədə bəyanatlar Teplinskinin mövqelərinin möhkəmləndirilməsi məqsədini güdə bilər", - ISW hesab edir.

Bundan öncə hərbi ekspert Aleksandr Kovalenko qeyd edib ki, ukraynalı hərbçilər artıq oktyabr ayında Zaporojye vilayətinin Tokmak şəhərinə çata bilər.

Bundan sonra, onun sözlərinə görə, hər şey işğalçıların davranışından asılıdır, onlar "xoş məramlı jest" nümayiş etdirə və Tokmakdan qaça bilər. Eyni zamanda, o, şəhərin Ukrayna qüvvələri tərəfindən üzbəüz həmlə variantını istisna edib.

ISW analitikləri qeyd edib ki, son zamanlar rusiyalı işğalçılar Kupyansk-Svatovo-Kremennaya xəttində hücum əməliyyatlarının tempini azaldıb.

Bu, onların fikrincə, onu göstərir ki, Ulraynanın əkshücumu Rusiya qüvvələrini bu istiqamətdən yayındırır və Rusiyanın hücum səylərini xeyli zəiflədir.

Moderator.az

Telegramda izləyin