Terrorçular özlərinə ailə görüntüsü veriblər

Ankarada Təhlükəsizlik Baş İdarəsinin giriş qapısı qarşısında törədilən bombalı hücumda istifadə edilən avtomobilin Kayserinin Dəvəli rayonundan oğurlandığı məlum olub.

BiG.AZ türk mediasına istinadən xəbər verir ki, terrorçuların Kayseridə özlərini ailəsi kimi təqdim edərək avtomobilin sahibi baytar Mikayıl Bozağanı aldadaraq maşınına mindikləri müəyyən edilib. Terrorçular daha sonra onun xeyirxahlıq etdiyini zənn edən baytar həkim Mikayıl Bozlağanı döyərək tapança ilə öldürüblər.

Digər tərəfdən terrorçular nəqliyyat vasitəsini qaçırmazdan əvvəl yolda saxlamağa çalışarkən onların yanında bir qadın və uşağın olduğu da aydın olub. Ailəlik təəssüratı yaradan terrorçuların avtostopla Bozlağanın maşınının dayanmasına səbəb olduğu bildirilib. Qeyd edilən məlumata görə, bir anda terrorçular və onların yoldaşları maşından düşərək ərzaq mağazasında alış-veriş ediblər.

Özlərini nağara ifaçısı kimi təqdim edən terrorçular yaxınlıqdakı kəndə toya getdiklərini və nağaralarının partladığını bildiriblər. Daha sonra qadın və uşağın 2 terrorçudan ayrıldığı deyilib.

Daxili İşlər Nazirliyi hücumla bağlı son vəziyyəti paylaşıb. Araşdırmalar nəticəsində terrorçulardan birinin separatçı terror təşkilatı PKK üzvü olmasının müəyyən edildiyi, digər terrorçunun şəxsiyyətini müəyyənləşdirmə işlərinin davam etdiyi açıqlanıb.

Qeyd edək ki, Türkiyə saatı ilə 09.30 radələrində yüngül ticari avtomobillə gələn iki terrorçu Ankarada Daxili İşlər Nazirliyi Təhlükəsizlik Baş İdarəsinin giriş qapısı qarşısında bombalı hücuma cəhd ediblər. Terrorçulardan biri özünü partladıb, digər terrorçu isə zərərsizləşdirilib. Hadisə zamanı iki polis əməkdaşı da yaralanıb.

Telegramda izləyin