"Sarkisyan və Köçəryan gec-tez Azərbaycan məhkəməsi qarşısında cavab verəcək"-AÇIQLAMA

Xəbər verdiyimiz kimi, Azərbaycan Respublikası Dövlət Təhlükəsizlik Xidmətinin (DTX) əməkdaşları Qarabağda separatçıların keçmiş "prezidenti" Araik Arutyunyanı saxlayıblar. Qondarma rejimin keçmiş "prezidenti" törətdikləri cinayət əməllərinə görə barələrində aparılan cinayət işləri üzrə Azərbaycan Respublikası Dövlət Təhlükəsizliyi Xidməti tərəfindən Bakıya gətirilir. Qarabağda kütləvi terror aktları törədən, Xocalı soyqırımının qatili, Ermənistanın keçmiş prezidenti Serj Sarkisyandır. Bəs Serj Sarkisyan törədiyi cinayət əməllərinə görə Azərbaycana gətirilə bilər?

Bununla bağlı BiG.AZ-a danışan "Konstitusiya Araşdırmaları" Fondunun prezidenti, ədliyyə naziri yanında ictimai komitənin üzvü Əliməmməd Nuriyev deyib ki, nəzəri baxımından Serj Sarkisyanın həbs edilib Azərbaycana gətirilməsi mümkündür. Eyni zamanda o şəxs insanlıq əleyhinə olan cinayətlərdə ittiham olunur:

"Heç şübhəsiz ki, bu cinayətlərin daimi olaraq əməllərinə görə məsuliyyət ilə bağlı müddət yoxdur. Yəni müddətsiz cinayətlərdir. Çünki insanlıq əleyhinə, bəşəriyyət əleyhinə, müharibə cinayətlərdir. Bununla bağlı, nə zaman onlar ələ keçiriləcəksə, onları saxlamaq mümkündürsə hər zaman cinayət məsuliyyətinə cəlb etmək mümkündür. Bu baxımdan cinayət məsuliyyətinə cəlb etmə müddəti yoxdur. Yəni hansısa müddət baxımından başa çatsın. Digər tərəfdən Azərbaycan - Ermənistan arasında ekstradisiya edilməsi, cinayətkarın verilməsi ilə bağlı hər hansı bir müqavilə yoxdur. Ona görə bu müqavilə olmadığı üçün belə bir öhdəlik yoxdur. Həm inanmıram ki, Ermənistanın öz vətəndaşını- Sarkisyan, Köçəryanı Azərbaycana vermiş olsunlar"

O bildirib ki, gələcəkdə sülh müqaviləsinin imzalanması, münasibətlərin normallaşması ilə şübhəsiz ki, bu hərbi cinayətkarların məsuliyyətə cəlb edilməsinə gətirib çıxara bilər: Bu gün praktik baxımından onların ölkəyə gətirilməsi ilə bağlı çox ciddi problemlər var. Bu məsələyə Ermənistan cəmiyyəti, dövləti fərqli yanaşır. Onlar tərəfindən həmin cinayətkarların verilməsi məsələsi hazırkı şərtlər daxilində biraz real hesab etmirəm. Amma əlbəttə ki, biz hər zaman harada olmasından asılı olmayaraq bəşəriyyət və insanlıq əleyhinə, müharibə cinayətləri törətmiş şəxslər hər zaman məsuliyyətə cəlb etmək hüququmuz var. Hal-hazırda onların saxlanılması ilə bağlı mümkünsüz olduğu üçün cinayət işi dayandırılıb. Lakin müvafiq istintaq hərəkətləri davam etdirilir. Hansı ölkədə olmasından asılı olmayaraq Azərbaycan tərəfi həmin ölkələr ilə bağladığı "Cinayət işləri üzrə qarşılıqlı hüquqi yardım haqqında" müqaviləyə əsasən onlar bu cinayətkarları verə bilərlər. Eyni zamanda, Azərbaycan şəxslərin verilməsi ,ekstradisiyası ilə bağlı Avropa Konvensiyasına qoşulub. Bu konvensiyada bir sıra öhdəliklər var. Həmin öhdəliklərə görə, hansı ölkədə varsa cinayətdə ittiham olunan şəxs verilməlidir. Çox təəsüf ki, bir çox hallarda belə məsələlərdə ölkələr tərəddüd edirlər. Eyni zamanda həmin şəxslər Azərbaycan tərəfindən interpola verilib. Amma bunun reallıqda necə olub olmaması ilə bağlı problemlər var".

Əliməmməd Nuriyev qeyd edib ki, bütün hallarda cinayətkarlar həbs olunacaqlar. Müharibə cinayətini törətmiş Köçəryan və Sarkisyan Bako Saakyan və digər şəxslər kimi saxlanılacaq:

"Hazırda saxlanılan separatçıların rəhbərləri müharibə cinayəti törətməkdə, terrorizmin maliyyələşdirməsi maddələri ilə ittiham olunurlar. Onlar ilə bağlı müvafiq istintaq hərəkətləri gedir. Yəqin ki cinayət rəqibləri başa çatdıqdan sonra məhkəmə qarşısında dayanacaqlar. Onlarda həmçinin belə bir gün gözləyir. Çünki ilahi ədalət və hüquqi məsuliyyət deyilən bir məsələ var. Bu şəxslər əməllərinə görə məsuliyyətə cəlb ediləcəklər. Onlar bir gün Azərbaycan məhkəməsi qarşısında dayanacaqlar. İndi bu gün baş verməsə də zamana ehtiyac var. Belə bir fikir yaranmışdı ki, Arayik Arutyunyan və Bako Saakyan, digərləri saxlanılmaq imkanları yoxdur. Zaman artıq dəyişdi. Cənab Prezident hər zaman deyib ki, Azərbaycan xalqına, insanlıq əleyhinə müharibə cinayəti törətmiş şəxslər gec-tez Azərbaycan məhkəmələri qarşısında çıxacaqlar. Bu proses baş verir və əminəm ki, nə vaxtsa Köçəryan və Sarkisyan bu taleyi ilə rastlaşacaqlar".

Qeyd edək ki, Arkadi Qukasyan (1997-2007) və Bako Saakyan (2007-2020), "Daşnakasutyun" partiyasının "Qarabağ təmsilçisi" və separatçı rejimin keçmiş "parlament sədri" David İşxanyan da törətdikləri cinayət əməllərinə görə barələrində aparılan cinayət işləri üzrə Azərbaycan DTX tərəfindən Bakıya gətiriliblər.

Telegramda izləyin