"Xoşbəxt Yusifzadə doğrudan da xoşbəxt idi" - Nərgiz Axundova

Azərbaycan Dövlət Neft Şirkətinin (SOCAR) birinci vitse-prezidenti Xoşbəxt Yusifzadə ilə vida mərasimi keçirilir.

Sonxeber.az xəbər verir ki, Milli Elmlər Akademiyası Rəyasət Heyətinin binasında keçirilən mərasimdə mərhumun ailə üzvləri, dövlət xadimləri, alimlər və digər şəxslər iştirak edirlər.

Mərasimdə akademik Nərgiz Axundova bildirib ki, Xoşbəxt Yusifzadə doğrudan da xoşbəxt adam idi, çünki bu qədər adam onunla vidalaşmağa gəlib.

"O, çıxışlarında həmişə deyirdi ki, mənə belə ad qoyublar və çalışıram həyatımda bunu təsdiqləyim. O həm alim, həm ictimai xadim, həm neftçi , həm gözəl ailə başçısı idi. Həyatının bütün tərəfləri onu xoşbəxt etməyə imkan verirdi. Düşünürəm ki, hər cəmiyyətdə ağsaqqal olmalıdır. Xoşbəxt müəllim o ağsaqqallardan idi. Çünki onun məsləhətləri həm gənclərə, həm ondan sonra gələn nəsillərə bir ibrət dərsi idi. Yəqin ki, o, doğrudan da xoşbəxt adam idi, çünki bu qədər adam onunla vidalaşmağa gəlib" ,- deyə o bildirib.

Telegramda izləyin