14 yaşlı uşaq ticarət mərkəzində terror hadisəsi törətdi

Taylandın paytaxtı Banqkokda "Siam Paragon" ticarət mərkəzində 14 yaşlı uşaq terror hadisəsi törədib.

BiG.AZ xarici mənbəyə istinadən xəbər verir ki, ölkə saatı ilə 16.40-da Banqkokun Siam Paragon ticarət mərkəzində 14 yaşlı oğlan tapança ilə 10 atəş açıb. Hücumda 2 nəfər ölüb, 5 nəfər yaralanıb, polis yerli vaxtla saat 17.10-da həmin şəxsi tutub.

Digər tərəfdən, sosial şəbəkələrdə yayılan görüntülərdə azyaşlının silahla ticarət mərkəzinə girdiyi görünür. Polis rəsmiləri bildiriblər ki, oğlan polis bölməsində "çaşqın" vəziyyətdə görünüb. Azyaşlı "insanları güllələyin" deyən səslər eşitdiyini deyib. Bununla yanaşı, polis uşağın əvvəllər psixi sağlamlığına görə xəstəxanada müalicə aldığını və əlavə məlumatın verilməyəcəyini bildirib.

Qeyd edək ki, ticarət mərkəzindəki hücumda həyatını itirənlərdən birinin 34 yaşlı çinli, digərinin isə myanmalı qadın olduğu paylaşılıb.

Telegramda izləyin