Daşaltıda 31 il sonra meyitinin qalıqları tapılan şəhidlə vida mərasimi başa çatıb - YENİLƏNİB - FOTO

Birinci Qarabağ müharibəsində itkin düşən, 31 il sonra meyitinin qalıqları Şuşanın Daşaltı kəndində tapılan şəhid Veysəl Qasımovla vida mərasimi başa çatıb.

Sonxeber.az report-a istinadən xəbər verir ki, mərhumun cənazəsi dəfn olunmaq üçün İkinci Şəhidlər xiyabanına aparılır.

*** 11:43

Birinci Qarabağ müharibəsində itkin düşən, 31 il sonra meyitinin qalıqları Şuşanın Daşaltı kəndində tapılan şəhid Veysəl Qasımovla vida mərasimi keçirilir.

Sonxeber.az report-a istinadən xəbər verir ki, Xətai rayonunda baş tutan mərasimdə rayon icra hakimiyyətinin rəhbərliyi, hüquq-mühafizə orqanlarının əməkdaşları, şəhidin ailə üzvləri və döyüş yoldaşları iştirak edirlər.

Qeyd edək ki, Veysəl Qasımov 1963-cü ildə Bakı şəhərində anadan olub. 29 saylı tam orta məktəbin məzunu olduqdan sonra könüllü orda sıralarına yazılıb.

1992-ci ildə Şuşa döyüşlərinin iştirakçısı olub. "Daşaltı əməliyyatı"nda döyüşüb və itkin düşüb.

Xatırladaq ki, Birinci Qarabağ müharibəsində itkin düşmüş və şəxsiyyətləri müəyyən edilmiş daha 10 nəfərin ötən ay meyit qalıqlarının eyniləşdirilməsinə nail olunub. Onlardan biri də şəhid Veysəl Qasımovdur.

Telegramda izləyin