"Gəncədə Bərdədə, Tərtərdə dinc insanların hədəfə alınmasında Arayik Arutyunyanın və Ermənistan rəhbeliyinin birbaşa əli var" - DEPUTAT

"Bu gün Gəncə terrorunun 3-cü il dönümüdür. Əslində 2020-ci il 4 oktyabr Gəncənin ilk dəfə raket atəşinə tutulduğu gündür. Bundan sonra şəhər ardıcıl olaraq 44 günlük müharibə zamanı bir neçə dəfə raket atəşinə məruz qalaıb. Təbii ki düşmənin sivil insanları hədəf alması onun acizliyindən və gücsüzlüyündən xəbər verirdi. Məhz bu ilk raket hücumu zamanı 1 sivil şəxs həyatını itirib, 30 mülkü şəxs yaralanıb və fərdi yaşayış obyektləri və nəqliyyat vasitələri sıradan çıxıb".

Bunu Sonxeber.az-a danışan deputat Müşfiq Cəfərov bildirib.

Deputat qeyd edib ki, Gəncə, Bərdə, Tərtər kimi bölgələrimizdə dinc insanların hədəfə alınmasında qondarma "Dağlıq Qarabağ Respublikasının prezidenti" Arayik Arutyunyanın və Ermənistan rəhbeliyinin birbaşa əli var:

"Cenevrə konvensiyasının tələbləri pozularaq dinc əhalini qəsdən öldürmə, insanlar arasında vahimə yaradılmasına yönələn hərəkətlərə qəhrəman Azərbaycan ordusu tərəfindən müharibə meydanında layiqli cavab verildi. Belə ki məhz 3 il əvvəl bu gün Cəbrəyıl şəhəri və 9 kənd işğaldan azad olunub.
Azərbaycan ordusu hər zaman böyük humanistlik göstərərək erməni sivilləri qoruyub. Biz bunu 44 günlük müharibə zamanı da, elə 24 saatdan da az çəkən lokal antiterror tədbiri zamanı da gördük.

Ordumuz zərgər dəqiqliyiylə silah-sursat anbarlarını məhv edərkən yaşayış obyektlərini qorudu, hətta bu anbarlar planlı şəkildə yaşayış obyektlərinə yaxın tikilsə belə biz həmin yerlərə zərər vurmadıq. Azərbaycan dövləti Gəncənin qisasını layiqincə 44 günlük müharibə zamanı döyüş meydanında aldı. Təbii ki, artıq bu əmri verənlər Arayik Arutyunyan və ətrafındakılar həbs olunub və layiqli cəzalarını alacaqlar. Bu gün Azərbaycan dövləti milli maraqlarını daima üstün tutur. Məhz bunun nəticəsidir ki, xalq dövlət ətrafında bir yumruq kimi birləşib".

Telegramda izləyin