İsrailin ən böyük Ben Qurion hava limanı açılıb

Təl-Əviv yaxınlığında yerləşən İsrailin ən böyük David Ben-Qurion Beynəlxalq Hava Limanı normal şəkildə işləməyə davam edir, uçuşların ləğvi ilə bağlı bütün qərarlar aviaşirkətlər tərəfindən özəl olaraq verilir.

Bu barədə İsrail Xarici İşlər Nazirliyinin mətbuat xidməti məlumat yayıb.

"Vətənə qayıtmaq istəyən xaricdəki israillilərə bildirmək istəyirik ki, Ben Qurion hava limanı uçuşlar və enişlər üçün açıqdır. Bəzi xarici aviaşirkətlər İsrailə uçuşları ləğv ediblər - bunu şirkətlərin özləri yoxlamalıdırlar", - deyə departamentin bəyanatında bildirilir.

Nazirlik əlavə edib ki, İsrail aviadaşıyıcıları müntəzəm uçuşları davam etdirir və dünyanın bir neçə nöqtəsindən uçuşların sayı da artır.
"Söhbət biletlərin alınmalı olduğu kommersiya reyslərindən gedir", - deyə İsrail XİN-dən bildiriblər.

Qeyd edək ki, oktyabrın 7-dən etibarən bir çox şirkət İsrailə uçuşları ləğv etmək qərarına gəlib. Bu, Qəzza zolağından yaraqlı qruplarının eyni vaxtda daxil olduğu və İsrail hərbçilərinin döyüşə girdiyi İsrail ərazisinə raket atəşinin başlamasından sonra baş verib.

Telegramda izləyin