"Bütün ölkələr kimi İsrail də öz süveren hüququndan istifadə edərək terrorçulara qarşı mübarizəyə başlayıb" - DEPUTAT

"Çox təəssüf ki, terrorçu qrupların İsrailə hücumu nəticəsində çoxsaylı sivil insan həlak olub və əsir götürülüb".

Bunu Sonxeber.az-a danışan deputat Müşfiq Cəfərov bildirib.

Deputat qeyd edib ki, 21-ci əsrdə, bu qədər beynəlxalq hüquq və prinsiplərin müəyyənləşdirildiyi vaxtda hələ də terrordan istifadə olunursa demək bu qeyd etdiyim hüquqlar işləmir:

"Hətta İsraildə ölənlər və əsir götürülənlər arasında xarici vətəndaşlar da mövcuddur. Paylaşılan videolardan da görünən odur ki, hər şey açıq-aşkar bu birbaşa terrordur. Mən ilk dəfə həmin görüntüləri görərkən Xocalını xatırladım. Həmas qrupları qadınlara, uşaqlara qarşı çox böyük qəddarlıqlar göstərir. Bütün ölkələr kimi İsrail də öz süveren hüququndan istifadə edərək terrorçulara qarşı mübarizəyə başladı.Terrorçular mülki insanların yaşadığı məntəqələri, mülki obyektləri, mülki şəxsləri qəsdən hədəf alıb, raket zərbələri endirirlər. Çoxsaylı mülki insanların ölümü və yaralanması ilə müşayiət olunan hücumların qarşısı tezliklə alınmalı və həmin yaraqlılar zərərsizləşdirilməlidir".

Telegramda izləyin