"Dünyanın bir çox yerlərində gedən müharibələrin arxasında böyük güclər dayanır" - Politoloq

Oktyabrın 7-də səhər saatlarında Qəzza zolağından İsrailə raket hücumları başlayıb və eyni zamanda silahlı qruplar yəhudi dövlətinin ərazisinə daxil olub. Ordu "müharibə hazırlığı vəziyyəti" elan edib və tezliklə cavab olaraq "Dəmir Qılınclar" əməliyyatına başladığını bildirib. Son hadisələr III Dünya müharibəsinə zəmin yarada bilərmi?

Məsələ ilə bağlı politoloq Sədrəddin Soltan BiG.AZ-a açıqlama verib.

"Qəzzada baş verən hadisələrin irimiqyaslı hərbi əməliyyatlara keçəçəyi ehtimalı azdır. Adətən dünya müharibələri böyük güclər arasında olur ki, hazırda bu ölkələrin ərazilərində müharibə getmir. Ukrayna müharibəsi də, Qəzzada baş verən hadisələr də dünyanı siyasi baxımdan iki hissəyə bölüb. Bu o deməkdir ki, dünyada güclərin müharibəsi birbaşa deyil, dolayısı yolla gedir.

II Dünya müharibəsindən sonra, soyuq savaşlar davam edirdi. Dünyanın bir çox yerlərində gedən müharibələrin arxasında böyük güclər dayanır HƏMAS-ın da arxasında böyük güclərin dayandığı aydırdır. Odur ki bu güclər arasında "proksi" müharibədir. Əgər İsrail, Fələstində və Qəzza zolağında terrorçu qruplaşmaları sıradan çıxararsa, danışıqlar başlayar və ərəb ölkələri ilə İsrail arasında münasibətlər normallaşa bilər. BU isə region ölkələrin bir-biri ilə yaxınlaşması, əməkdaşlıqların genişlənməsi üçün şərait yarada bilər".

Telegramda izləyin