İsraildəki 5 yəhudidən 4-ü baş verənlərə görə hökuməti günahlandırır

İsraildəki hər 5 yəhudidən 4-ü oktyabrın 7-də blokadada olan Qəzza zolağından fələstinli qrupların başlatdığı hücumda və onun nəticələrində ölkə hökumətini günahlandırır.

Sonxeber.az xəbər verir ki, İsraildəki Dialoq Mərkəzinin ölkə daxilində 620 yəhudi ilə apardığı sorğuya görə israillilərin 86 faizi Qəzzada fələstinli qrupların hücumuna görə ölkə rəhbərliyini məsul hesab edib.

Həmin şəxslərin 79 faizinin hökumət tərəfdarları olduğu bildirilib.

Yəhudilərin 94 faizi təhlükəsizlik zəifliyinin hökumətdən qaynaqlandığını bildirsə də, 92 faizi müharibənin onları narahat etdiyini bildirib.

Sorğuda iştirak edən yəhudilərin 56 faizi İsrail ordusunun Qəzzada başlatdığı müharibədən sonra Netanyahunun istefa verməli olduğu qənaətindədir.

Müharibədən sonra hökumətin istefa verməsi ilə razılaşanların 28 faizinin də hazırkı hakimiyyətin tərəfdarları olduğu bildirilib.

Sorğuda iştirak edən yəhudilərin 52 faizi müdafiə naziri Yoav Gallantın istefaya getməli olduğu fikrini bölüşüb.

Telegramda izləyin