"Ermənistan Aİ-dən güclü dəstək gözləyir" - Paşinyan

Baş nazir Nikol Paşinyan Avropa Parlamentinin sədri Roberta Metsola ilə birgə mətbuat konfransında deyib ki, Ermənistan Aİ ilə münasibətləri dərinləşdirmək istəyir.

Sonxeber.az xəbər verir ki, bu barədə erməni mətbuatı məlumat yayıb.

"Ermənistan hökuməti Ermənistan-Avropa İttifaqı hərtərəfli və genişləndirilmiş tərəfdaşlıq sazişinin tam icrasına sadiqdir", - deyən Paşinyan əməkdaşlığın daha da genişləndirilməsi üçün imkanların olduğunu bildirib.Aİ-Ermənistan münasibətlərinə Ermənistanın Azərbaycanla sərhədində monitorinq aparan Aİ-nin mülki missiyasının simasında təhlükəsizlik komponenti əlavə edilib. Avropa Siyasi Birliyinin Qranada sammiti və bugünkü müzakirələr və sizin çıxışınız nəticəsində Ermənistanla münasibətlərin dərinləşdirilməsi ilə bağlı Aİ institutları arasında konsensusun olduğu açıq-aydın görünür. Mən 100 mindən çox erməninin Dağlıq Qarabağdan məcburi köçürülməsi nəticəsində Ermənistanda humanitar problemlərin aradan qaldırılmasından danışıram, burada təcili dəstəyə ehtiyacımız var", - deyə Baş nazir bildirib.

Telegramda izləyin