Litvanın Baş naziri Ermənistana səfər edib

Ermənistanın Baş naziri Nikol Paşinyan Litvanın Ermənistandakı səfiri Andrius Pulokas ilə görüşüb.

Sonxeber.az xəbər verir ki, görüşdə Paşinyan Ermənistan-Litva münasibətlərinin davamlı inkişafını və son illərdə ikitərəfli qarşılıqlı fəaliyyətin müsbət dinamikasını qeyd edib.

O bildirib ki, Ermənistan hökuməti Litva ilə müxtəlif istiqamətlərdə proqramların həyata keçirilməsində və yeni layihələrin müzakirəsində maraqlıdır. Baş nazir Ermənistan və Avropa İttifaqı arasında əməkdaşlığın təşviqi baxımından Litvanın dəstəyini də vurğulayıb.

Nikol Paşinyan və səfir Pulokas Litvanın baş naziri İnqrida Şimonitenin Ermənistana gözlənilən rəsmi səfərini vurğulayıblar və bunun iki ölkə arasında əməkdaşlığın inkişafına və genişlənməsinə yeni təkan verəcəyinə inandıqlarını bildiriblər.

Telegramda izləyin