İsrail ordusu son 24 saatda Qəzzada 250 yerə hava zərbələri endirib

İsrail ordusu blokadada olan Qəzza zolağına son 24 saat ərzində 250 hava hücumu təşkil etdiyini açıqlayıb.

Sonxeber.az xəbər verir ki, dünyanın hər yerindən dinc əhalinin qırğınının dayandırılması çağırışlarına baxmayaraq, İsrail qüvvələri Qəzzanı fərq qoymadan bombalamağa davam edir.

Açıqlamada vurulan yerlərin HƏMAS-ın hərbi qanadına aid hədəflər olduğu iddia edilsə də, Qəzzadakı səlahiyyətlilər hücumlarda qadın və uşaqların da olduğu çox sayda mülki şəxsin həyatını itirdiyini bildirib. Fələstin mənbələri son 24 saatda İsrailin hücumlarında neçə nəfərin həyatını itirdiyi barədə hələlik açıqlama verməyib.

Telegramda izləyin