"Azərbaycan bu zəfəri qazanmaqla son 200 ilik tariximizn yeni bir səhifəsini yazdı"-Azər Badamov

"8 noyabrda ordumuzun qəhrəman oğulları Şuşada bayrağımızı dalğalandırmaqla Zəfərə imza atdı. Azərbaycan bu Zəfəri qazanmaqla son 200 ilik tariximizn yeni bir səhifəsini yazdı. Bu, qalib Azərbaycan səhifəsi idi".

Bu sözləri Milli Məclisin deputatı Azər Badamov Sonxeber.az-a bildirib.

Deputat qeyd edib ki, son 30 ildə biz torpaqlarımızın işğal günlərini böyük niskil içində qeyd edirdiksə, bu gün xalqımız şəhər və kəndlərimizin işğaldan azad olunması günlərini böyük sevinclə qeyd edir. Son üç ildə işğaldan azad olunmiuş ərazilər yenidən qurulub bərpa olunur:

"2003-cü ildə Prezident seçiləndə İlham Əliyev qarşısına qoyduğu əsas hədəflər Azərbaycan dövlətini inkişaf etdirmək, xalqın rifahını yaxşılaşdırmaq, milli birliyi möhkəmlətmək, ordunu gücləndirmək və torpaqları erməni işğalından azad edərək bütün ərazilərdə suverenliyi bərpa etməklə bağlı olmuşdur. Bu məqəsdlərə çatmaq üçün 17 illik uzun bir yol getməli olduq. Dövlət başçımızın qarşıya qoyduğu əsas məqsədlərdən biri Azərbaycanı güclü orduya malik ölkəyə çevirmək olmuşdur. Çünki, güclü ordusu olan ölkələr öz suverənləyini qoruyub saxlaya bilirlər. Bu məqsədlə dövlət büdcəsində ən çox xərclər ayrılan hissə ölkənin müdafiə qabiliyyətinin artırılması ilə bağlı olmuşdur. Ordumuza müasir silahlar alındı, mütəmadi təlimlər keçirlməklə peşəkarlıq artırıldı, müdafiə sənayesi quruldu və vacib silah sursatı özümümz istehsal etməyə başladıq və hərbiçilərin maddi və həyat şəraiytinin yaxşılaşdırlaması diqqət mərkəzində saxlanıldı. Məhz ordumuza dövlət dəstəyinin artırılması sayəsində Azərbaycan ordusu dünyanın ən güclü 50 ordusu sırasına daxil oldu.
Ordusunun gücləndirilməsi üçün ölkənin güclü iqtisadiyyatı olamlı idi. Dövlət başçısının rəhbərliyi altında ölkəmizdə aparılan iqtisadi islahatlar Azərbaycanı iqtisadi müstəqilliyə qovuşdurdu. Belə ki, transmilli beynəlxalq layihələri reallaşdırdıq, ölkəmizin beynəlxalq əhəmiyyəti artaraq Azərbaycan dünya siteminin nüfuzlu aktoruna çevrildi. İqtisadi müstəqlliyimizin əldə olunması bizi siyasi müstəqilliyə qovuşdurdu. Azərbaycan dünya siyasi arenalarında heç nədən çəkinməyərək öz qətiyyətli mövqeyini ortaya qoyur və dünuya birliyi Ermənistanın özbaşınalıqlarına son qoydurulmasına birləşməyinə çağırışlar edirdi. O cümlədən Azərbaycan sözünün imzası qədər möhkəm olduğunu sübut etdi. Ona görə də 2012-213-cü illərdə 155 ölkənin dəstəyi ilə Azərbaycan BMT TŞ-na qeyri daimi üzvü seçilərək sədrilik etdi. O cümlədən Azərbaycan 2019-cu ildən böyüklüyünə görə dünyanın ikinci təşkilatı olan Qoşulmama Hərəkatına 120 ölkənin dəstəyi ilə sədrilik etməyə başladı. Azərbaycan bütün tribunalardan xalqımız ərazilərimizdə erməni işğalı ilə heç vaxt barışmayacağını bəyan edir və haqq səsimizi beynəlxalq platformalarda qəbul etdirdi. Düzdür, BMT TŞ-nın 4 qətnaməsinin icrası ilə bağlı ATƏT-in Minsk qrupu yaradıldı. Amma Minsk qrupun həmsədrləri riyakarlıq nümayiş etdirərək torpaqlarımızda erməni işğalını əbədiləşdirməyə çalışdılar. Bu dözülməz vəziyyətin şahidi olan Azərbaycan öz gücü ilə pozulmuş hüquqlarının bərpasına qərar verdi. Belə ki, düşmənin mütəmadi keçirdiyi dözülməz çox saylı təxribatlarına cavab vermək və əraziılərini işğalçılardan azad etmək üçün 27 sentyabrda ordumuza irəli komandası verildi. Xalqımız 30 ildə Ali Baş Komandanın bu əmrini intizarla gözləyirdi. İnsanlar hərbi komissarlıqlara axın etdi və hamı könüllü şəkildə ordu sılralarına yazılaraq müharibəyə göndərilməyini xahiş edirdi. Arxa cəbhədə olan insanlar milli birlik və həmrəylik nümayiş etdirərək hər şey ordu üçün çağırışı altında biləşdilər. Ölkəmizdəki demək olar ki, bütün siyasi partiyalar öz fərqli siyasi baxışlarını kənara qoyaraq dövlətlə həmrəy olduğunu nümayiş etdirdilər. Milli, dini, etnik mənsubiyyətindən asıllı olmayaraq hamı silaha sarıldı. Son illərdə vətənpərvər gənc nəsil yetişdi. Hamının arzusu torpaqları işğaldan azad etmək və üçrəngli dövlət bayrağımızı Şuşada dalğalandırmaq idi. Belə bir birlik və həmrəylik dünya tarixində görünməmiş bir hal idi. Xalq birləşərək Ali Baş Komandanın Dəmir yumruquna çevrildi".

Azər Badamov vurğulayıb ki, Prezident İlham Əliyevin rəhbərliyi altında Azərbaycan tarixdə ilk dəfə olaraq öz torpaqlarını işağldan azad edərək xaqlımıza yeni bir imic yaratdı:
"27 sentyabrda başlayan Vətən müharibəsinin davam etdiyi 44 günün hər bir günü qəhrəmanlıq səlnaməsi oldu. Ordumuz bir addım geri çəkilmədi. O cümlədən, bir nəfər belə olsun müharibəyə getməkdən qaçmadı və fərarilik etmədi. Döyüşlərin başlandığı ilk gündən rəşadətıli ordumuz ancaq irəliləməyə başladı. Qorxu içində olan düşmən ordusunun hərbiçiləri silahlarını ataraq döyüş mövqelərindən qaçmağa başladılar. Ermənistan 44 günlük döyüşlərdə 11 min hərbişçinin fərarilik etdiyini etiraf etdi. 44 günün hər bir günündə xalqımız qələbə sevincini yaşayırdı. Hamı axşamı gözləyirdi və Ali Baş Komandanın qələbə tvitlərini böyük sevinclə qarşılayırdı. Nəhayət 8 noyabrda ordumuzun qəhrəman oğulları Şuşada bayrağımızı dalğalandırmaqla Zəfərə imza atdı. Azərbaycan bu Zəfəri qazanmaqla son 200 ilik tariximizn yeni bir səhifəsini yazdı. Bu, qalib Azərbaycan səhifəsi idi. Çünki, son 200 ildə biz torpaqlarımızı ancaq itirə-itrə gəlirdik. Amma Prezident İlham Əliyevin rəhbərliyi altında Azərbaycan tarixdə ilk dəfə olaraq öz torpaqlarını işağldan azad edərək xaqlımıza yeni bir imic yartdı. Bu, qalib imicidir.
Qələbənin qazanılmasında qardaş Türkiyənin verdiyi siyasi dəstəyi xüsusilə qeyd olunmalıdır. Müharibənin başlandığı ilk gündə Türkiyə Prezidenti Rəceb Tayıb Ərdoğanın hər türlü yardımla Azərbaycan qardaşlarımızın yanındayıq ifadəsini bəyan etməsi ölkəmizə düşmən gözü ilə baxaraq haqq işimizə müdaxilə etmək istəyən dairələri öz çirkin niyyətlərindən yayındırdı. Türkiyənin yanımızda olması bizə yeni bir güc verdi və haqq işimizi inamla başa çatdırmağımıza yol açdı. Zəfər paradında Prezidentlər İlham Əliyev və Ərdoğanın çiyin-çiynə dayanması dünyaya bir mesaj oldu və bu, məğlub edilməz yeni bir gücün bu günün yeni bir reallğını olduğunun nümyiş idi.
Nəhayət, 19 sentyabr 2023-cü ildə keçirlən lokal xarakterli antiteror tədbirləri ilə Xankəndində bayraımızı dalğalandıraraq bütün ərazilərdə suverənliyi bərpa edərək düşmən silahlıların ərazilərimizdə mövcudluğuna birdəfəlik nöqtə qoydu.
Son 30 ildə biz torpaqlarımızın işğal günlərini böyük niskil içində qeyd edirdiksə, bu gün xalqımız şəhər və kəndlərimizin işğaldan azad olunması günlərini böyük sevinclə qeyd edir. Son üç ildə işğaldan azad olunmiuş ərazilər yenidən qurulub bərpa olunur. Böyük qayıdışa dair Dövlət proqramı sürətlə icra olunur və keçmiş məcburi köçkünlər öz doğma yurdlarına qayıdırlar. Şəhər və kəndlərin baş planları təsdiq olunaraq tikinti işləri yüksək keyfiyyətlə aparılır. İşğaldan azad olunmuş ərazilərdə ucalan yeni şəhərləriin günlərini bayram təntənəsi ilə qeyd olunur. Xalqımız və ordumuz Ali Baş Komandanın rəhbərliyi altında düşmənləri ərazilərimizdən qovmaqla onların çirkin planlarına birəfəlik son qoyuldu. Bu gün qalib Azərbaycan var və regionda icra olunan bütün layihələr ölkəmizin iştirakı ilə həyata keçirlir.
Sonda zəfərin qazanılmasında öz sinəsini düşmən gülləsinə sipər edərək canından keçmiş şəhidlərimizə Allahdan rəhmət, qazılarımıza can sağlığı diləyirəm. Azərbaycan öz qəhrəman övladları ilə fəxr edir, qürur duyur və heç vaxt unutmayacaqdır".

Telegramda izləyin