Su ilə bağlı həkimlərdən XƏBƏRDARLIQ

Çox su içmək qıcolmalara və huşunu itirməyə səbəb ola bilər.

Sonxeber.az publika.az-a istinadən xəbər verir ki, bu fikirləri amerikalı həkim və sağlam qidalanma haqqında kitabların müəllifi Stüart Fişer bildirib.

Bir çox dietoloqlar gündə təxminən səkkiz stəkan su içməyi məsləhət görür - bu, həzm və ürək-damar funksiyası, həmçinin oksigen və qida maddələrinin hüceyrələrə və toxumalara daşınması üçün lazımdır. Ancaq bir saat ərzində səkkiz stəkan su içmək hiponatriemiyaya səbəb ola bilər. Bu vəziyyət qan plazmasında natrium səviyyəsinin kəskin azalması ilə xarakterizə olunur.
Ətraflı

Fişer izah edib ki, hiponatremiya bəzən şüur ​​itkisi, çaşqınlıq və qıcolmalar ilə müşayiət olunur. Ancaq bu cür təhlükəli nəticələr yalnız bir insan uzun müddət içməli su normasını aşdıqda və ya çox tez içdikdə baş verə bilər.

Stüart Fişer həmçinin xəbərdarlıq edib ki, hamilə qadınlar içdikləri suyun miqdarına ciddi nəzarət etməlidirlər. Gündə səkkiz stəkandan çox içmək çox arzuolunmazdır və heç də xoş olmayan fəsadlara gətirib çıxara bilər.

Telegramda izləyin

instagramda izləyin