Somalidə daşqınlar nəticəsində 500 min insan evsiz qalıb

Somalidə leysan yağışların səbəb olduğu daşqınlar səbəbindən 500 min insanın evlərini tərk etməli olduğu bildirilib.

Sonxeber.az xəbər verir ki, Somali Milli Xəbər Agentliyinin (SONNA) məlumatına görə, yağışlar indiyədək 30-dan çox insanın ölümünə səbəb olub və 500 min insanı didərgin salıb.

Ölkənin cənub və mərkəzi rayonlarında çaylar daşmış, yolları və bir çox yaşayış məntəqələrini su basmışdır.

Bir milyondan çox insan daşqınla bağlı epidemiyalar və ərzaq çatışmazlığı riski ilə üzləşir.

Səlahiyyətlilər ölənlərin sayının artacağından narahatdır.

Yerli və beynəlxalq yardım təşkilatları qida və sığınacaq yardımı çatdırmaq üçün bölgədəki işlərini gücləndirdilər.

Son illərin ən şiddətli quraqlığı yağışların və daşqınların təsirli olduğu Somali və qonşu Keniyada yaşanıb.

Somali və Keniya iqlim dəyişikliyindən ən çox təsirlənən ölkələr sırasındadır. Keniya həddindən artıq yağışla əlaqədar vətəndaşlarına xəbərdarlıq edib. Daşqınlardan sonra Somalinin bəzi bölgələrində "fövqəladə vəziyyət" elan edilib.

Telegramda izləyin